ماوتە کاولی بکەی؟

.

ماوتە کاولی بکەی؟

*وابزانم دکتۆرەکە برازای سەعدلحلی بوو، وتم کۆکەکەم وشکە وتی تفی لێ بە.

*حازرم بلیتی کۆنسێرتی خدر بێگلاسی بە پەنجا دۆلار بکڕم، بەشەرتێ قوڕگی ھاتبێتەوە یەک.

*پیاو دەگی مەزبووتە، بە ملپێچێک و ھێلەکێک ئەبێ بە شاعیر، ئافرەت داماوە سێ چوار شەرتی قورسی ئەبێ تیا بێ.

*وتم ئەوە بۆچی تەکسی ئەگێڕیت؟ وتی با وابزانن ئاسایشم.

*من بم لەباتی حکومەت، بۆزیادکردنی داھات ئەچم لە سەرەی مەعاشدا بەفراو ئەفرۆشم.

*زۆر سەیرە، مۆسیقار مۆسیقات لەلا خۆشەویست ئەکات کەچی سیاسەتمەدار سیاسەتت لەبەر چاو ئەخات.

*من دەمێکە دەستم لە وەزعەکە شۆردووە، بەس کوڕی باشانە خاولییان دانەناوە.

*قەناعەتم وایە ھەر عەزابێک لە جەھەنمدا ھەبێ یەکەمجار سکێچەکەیان لە سلێمانی دروست کردووە.

*لێم پرسی وتم قوربان گیان کەی بەتەواوەتی وڵاتەکە لە کەڵک ئەکەوێ؟ وتی ماوێتی جارێ، ھێشتا دوکەڵی لێ ھەڵنەساوە.