ژنە هونەرمەندێكی كورد خەڵاتێكی جیهانی بەدەست دەهێنێت

.

دكتۆر ئەناهیتا قبائیان هونەرمەندی دیاری شایر كرماشان لەلایەن فەڕەنساوە خەڵاتی دلاوەری 2020 وەردەگرێت.

محەمەدی نەعمەتی چالاكوانی مەدەنی، لەفەڕەنساوە بۆ PUKmedia  ووتی: لەلایەن ئەنجومەنی خەڵاتی " دلاوەری 2020" ەوە  بۆ ئەمساڵ  دكتۆر ئەناهیتا قبائیان  هونەرمەندی بەرجەستەی ئێران وەك یەكێك لەبراوەكان بانگێهشت كراوە.

وتیشی:  دكتۆرە ئەناهیتا كچی ئەحمەدی قبائیانە، كە یەكێك بووە لە كەسە دیارو خێرخوازەكانی كرماشان و چەند خوێندنگایەكی بۆ گەشەپێدانی زانست و هوشیاری خوێندەوە دروست كردبوو.

رونیشكردەوە: دكتۆرە ئەناهیتا بەڕێوبەری گالەری رێگەوی ئەورویشم و بەهۆی چالاكیەكانی لەبواری وێنەگرتنی هونەری و گواستنەوەی بۆ ناو فەرهەنگەكانی تری جیهان بووەتە خاوەن ئەو خەڵاتە بەناوبانگە.

باسی لەوەشكرد:  پێشتر هونەرمەند شەهرامی نازری وەك یەكەم كورد ئەو خەڵاتەی بەدەست هێنابوو، لەئێستادا دكتۆرە ئەناهیتا دووەمین كوردە دەبێتە براوەی ئەو خەڵاتە بەناوبانگە.

دكتۆرە ئەناهیتا خاوەن دكتۆرایە لەبواری مێژوو و  بڕوانامەی لەزانستی كۆمپیوتەرو هەروەها لەبواری زانستی كۆمەڵایەتی لەفەرەنسا كاردەكات.

PUKmedia سامان یاروەیس