ئەگەر مێش بونایە

.

ئەگەر مێش بونایە

١- خەڵک ئەپرسێ ئەڵێ کوا مەعاش؟ ئەو ئەڵێ لە کافتریا نابێ لە تەنیشت یەکەوە دابنیشن.

٢- خوایە گیان زۆر شوکرم بە بەشت. رەفیقی من ئێستا لە سیتەک مەقەڵی باوەشێن ئەکات، منیش ئەبێ دانیشم پاکانە بۆ لالۆ رەنجدەر بکەم.

٣- ھەرچەندە ناتگەیەنێتە ھیچ شوێنێ، بەڵام جادەکەی تەخت و خۆشە، کوردایەتیتان عەرز ئەکەم.

٤- خۆشییەکەی ئەم ژیانە لەوەدایە رۆژێ لەڕۆژان ھەر تەواو ئەبێ.

٥- بەقوربانی کۆرۆنابم، حیزبەکان نەیانتوانی کوردستان بکەن بە دوبەی، ئەم بۆی کردین بە ئیتاڵیا.

٦- یەک دەفتەر دۆلار لە قەمسەڵەیەکی کۆنەدا بدۆزیتەوە بەقەدەر ئەوە خۆش نییە کە مەسئول سەلامی کرد جوابی نەدەیتەوە.

٧- باوکی مامۆستای تەشریحیش بەقەدەر مێشوولە شارەزای جیسمی ئینسان نییە، بە شوێنی واتەوە ئەدات یەکەمجارە بزانی ھەتە.

٨- خەمی پارەتان نەبێ، راوێژکارەکانی ئەنجوومەنی وەزیران ئەڵێن بەم زووانە سیعری گورچیلە بەرز ئەبێتەوە.

٩- جاران گونی خۆی و گێزەری لێک جیا نەئەکردەوە، ئێستا کۆمێنت و جنێو.

١٠- ئەرکی زمان قسەکردنە، کەچی جەماعەت ھینی پێ ئەلێسنەوە، دۆندرمە.

١١- ئەم حیزبانە مێش بونایە باش بوو، رووی پانکەکەمان تێئەکردن ئەڕۆشتن.

١٢- کورد ئەو پەندەی بەدرۆ خستۆتەوە کە ئەڵێ لەدوای تەنگانە فەرەحیی دێت.