كۆبنهاگن.. خۆپیشاندانێك بۆ كاره‌ دوژمنكارانه‌كان به‌رامبه‌ر به‌ كورد به‌ڕێوه‌چوو

.

به‌ مه‌به‌ستی ناڕه‌زایی ده‌ربڕین و پڕۆتستۆ كردنی ئه‌و كاره‌ دوژمنكارانه‌ی كه‌ له‌ توركیا به‌رامبه‌ر لایه‌نگران و په‌رله‌مانتاره‌كانی هه‌ده‌په‌ ده‌یكات له‌ شاری كۆبنهاگن خۆپیشاندرانێك به‌ڕێوه‌چوو.

ئه‌مڕۆ 23-5-2020، له‌ سه‌ر بانگهێشتی ( ناوه‌ندی ژنانی كورد له‌  دانیمارك) به‌ نوێنه‌رایه‌تی ناوه‌ندی یه‌كێتیی نیشتمانیی كوردستان له‌ دانیمارك هه‌ریه‌كه‌ له‌ هاوڕێ مه‌حمود لێپرسراوی كه‌رتی كۆبنهاگن و هه‌ڤاڵان  هه‌ستی جه‌لال و ئیدریس ڕه‌شید  ئه‌ندامانی كه‌رتی كۆبنهاگن به‌شداری ئه‌و ڕێوڕه‌سمه‌ بوون.

سه‌ره‌تای خۆپیشاندانه‌كه‌ به‌ ساتێك وه‌ستان بۆ گیانی پاكی شه‌هیدانی  كورد و كوردستان ده‌ستیپێكرد و پاشان وتاری ( ناوه‌ندی ژنانی كورد له‌ دانیمارك ) له‌لایه‌ن هه‌ڤاڵ نه‌ورۆزه‌وه‌ خوێنرایه‌وه‌ و دواتر وتاری ناوه‌ندی یه‌كێتی نیشتمانی كوردستان له‌لایه‌ن هاوڕێ مه‌حمود  لێپرسراوی كه‌رتی كۆبنهاگنه‌وه‌ خوێنرایه‌وه‌ كه‌ ئاماژه‌ی به‌وه‌دا هێرش و كاری توندوتیژی و چه‌وساندنه‌وه‌ی گه‌لی كورد له‌ باكور و ڕۆژئاوا و باشور چاره‌سه‌ری كێشه‌ی كورد ناكات ته‌نها شێوازی دیموكراسی و دیالۆگی به‌ بژارده‌یه‌كی باش ده‌زانێ و له‌و پێناوه‌شدا كورد هه‌وڵی زۆری داوه‌ و به‌رده‌وام ده‌بێت، چونكه‌ هیچ كاتێك میلله‌تی كورد به‌ گرتن و كوشتن ده‌نگی ئازادی كپ ناكرێت.

له‌ درێژه‌ی خۆپیشاندانه‌كه‌ وتاری پارتی ئینهیزلیستن له‌لایه‌ن ئیبراهیم به‌نلی ئه‌ندامی ئه‌و پارته‌وه‌ خوێنرایه‌وه‌.

له‌ به‌شێكی فریشته‌ ڕۆژهه‌ڵاتی ئه‌ندامی ناوه‌ندی ژنانی كورد و چالاكوانی ڕێكخراوه‌كه‌ وته‌یه‌كی پێشكه‌شكرد كه‌ تیایدا جه‌ختی له‌ یه‌كڕیزی نێو ماڵی كورد كرده‌وه‌ وه‌و به‌ گرنگی زانی كه‌ كورد هه‌میشه‌ یه‌ك ده‌نگ و پاڵپشتی یه‌كتربین به‌رامبه‌ر دوژمنانی كورد.

خۆپیشاندانه‌كه‌ به‌ وتنه‌وه‌ی چه‌ندین دروشمی نیشتمانی و ناڕه‌زایی ده‌ربڕین به‌رامبه‌ر به‌ دوژمنانی كوردو وه‌ وتنه‌وه‌ی سروودی نه‌ته‌وایه‌تی ئه‌ی ڕه‌قیب كۆتایی پێهنرا.

PUKmedia ڕاگه‌یاندنی ناوه‌ندی (ی.ن.ك) له‌ دانیمارك