تەڕەماش

.

تەڕەماش

* ئەوەندە عەبقەرییە لە عانی بوومەلەرزەدا ئەچێتە سەربان، کەچی لە مەجلیس و میوانی و شتدا ئەڵێ داروین ناماقوڵی کرد عەرز خڕ نییە.

* نە دکتۆرە نە تەڕەماش کەچی نوسخە بۆ نەخۆش ئەنووسێ ڕۆژی پەرداخێک میزی حوشتر بخواتەوە. خەڵکینە توخوا میزی حوشتر بە پەرداخ ئەخورێتەوە یان بە جاموڵکەی فافۆن!!!.

* بە ھەموو ئەقڵ و مەعریفەتی خۆیەوە قەناعەتی وایە کچەکەی سەعدی ناوی گوڵستانە.

* تاقە ڕابواردنی زەمانی ئێمە ئەوەبوو یەکێک بیگوتایە منو ھاواریان لێ ئەکرد گوو بکە و بنوو.

* فێربووم خۆم ئەخەڵەتێنم. زووزوو سەللاجەکەمان ئەکەمەوە بەشکو ئەمە خوایە شتێکی خۆشی تیابێ. حیزبی کوردییش وەک ئەو سەللاجەیەی لێهاتووە، یەک فەرقی ھەیە ئۆتۆماتیک ناکات.

* شەش مانگە کتێبێکی بە دەستەوەیە لێی نووسراوە، بە دوو حەفتە خۆت فێری حیکمەت بکە.

* حکومەتەکەمان ماشەڵای لێبێت ئەڵێی سەعاتە، ھەمووجارێ رێک لە دووسەدو حەفتاو پێبجی مانگدا مەعاش وەرئەگرین.

* ژیاننامەی من یەک شتی لە ژیاننامەی گاڵتەقینەی مەسئول ئەچێ: لەبەر کوردایەتی نەیتوانی خوێندن تەواو بکات.

* کە تەلەفزیۆن ئەنجامی کۆبوونەکان ئەکات بەهەواڵ حەز ئەکەیت بە ھێز و قەوەتی خۆت بشیڕێنیت بڵییت درۆزن ھەر چەترەکە.

* دەنگی حەسەن زیرەک زۆر خۆشە بەتایبەت گۆرانی دوو ئاوانەکە. رەببی هەزار رەحمەتت لێ بێ مامۆستا تەحسین تەها.