پەیامەکانی ناڕەزایەتی

.

پەیامەکانی ناڕەزایەتی

*لە کەڵەشێرەوە بۆ وەزارەتی پەروەردە:
زۆر دڵگران و بێ تاقەتین کە تائێستا چارەنووسی خوێندنی ئێمەتان یەکلا نەکردووەتەوە.

*لە چاو و برۆوە بۆ سەندیکای ھونەرمەندان و وەزارەتی رۆشنبیریی (عەیب نەبێ بە جووتە):
تێ ناگەین ئێوە چۆن رازی ئەبن گۆرانیبێژەکان ئێمە و سنگ و بەرۆکیان ئیھمال کردووە و گۆرانی بەسەر چای ئەحمەد و برنجی مەحمودا ھەڵ ئەدەن؟!

*لە ئەربیل حکومەتلەرییەوە بۆ ریئاسەتی موحتەرەمی حکومەتی عیراق دامەت ئیفاچاتوھو:
ناڕازی و عاجزین لێتان کە مەعاشی مووچەخۆرانی ھەرێمتان بڕیوە چونکە ئەوە ئیشی ئێمەیە و حەز ناکەین تەدەخولی تیا بکەن.

*لە حزبایەتیەوە بۆ پەرلەمانچێتی:
دەبوو زیاتر دەستی پێوە بگرن. ئەو حەیایەی کە ئێوە بە دانیشتنێک بردتان بەشی سی ساڵی تری ئێمەی ئەکرد.

*لە سلقەوە بۆ فەیمەخان و بووکەکانی:
مایەی نیگەرانی و بێزارییەکی زۆری من و کولەکەی ھاوڕێمە کە دەبینین ئەوە وەفاکەتانە بڕۆن ئێوە ھەر شایستەی گەڵامێون بۆ یاپراخ.

*لە برایم خەلیلەوە بۆ باشماخ:
بەھیچ جۆرێک من و حاجی ھۆمەرانی ئاوەڵزاوام قبووڵمان نییە بە خۆت بڵێی دەروازەی نێودەولەتی. تۆ لە مەسینە و سفرەی نایلۆن بەولاوە چی ترت بینیوە کڵۆڵ؟!

*لە خەریتەی عەسکەرییەوە بۆ کتێبی جوگرافیا:
عەیب و داوەشینە بۆ تۆ کە ئەو مامۆستا داماوەت وا تێ گەیاندووە زینی وەرتێ لەسەر سنووری تورکیایە.

*لە گونی ھەلاجەوە بۆ قسەی کوردی:
بێ ئەندازە تووڕە و بێزارم لە بەڕێزت.
چۆن رێگە ئەدەیت زەلامی قەلیق و ترساو لێدانی دڵی خۆی بشوبھێنێ بە لێدانی من؟ بە راستی زوڵمە.