کاتێ کە

.

کاتێ کە

* باسی لامەرکەزییەت مەکە، کاتێ کە پارتی فیکەی بۆ عەبدولڕەزاق و جەماعەت لێداوە: یاڵڵا ھجوووم.

* سەوای پیتزا مەکە کاتێ کە پارەکەی گیرفانت بەشی فەلافلێک ناکات.

* لای ھیچ برادەرێک رەخنە لە یەکێتی مەگرە کاتێ کە تازە سەیارەی درعی وەرگرتبێ.

* دەنگی رێک لە دەنگی یاس خزر دەچێ کاتێ کە بەسەرخۆشیی ئەڵێ باااااع.

* ئیتر دڵت بە چی خۆش دەبێ کاتێ کە مارکسییەکی گەورە بە سۆران عومەر ئەڵێت کاکە سۆران عومەر.

* چۆن رووت دێت لەسەر تەلەفزیۆن مەدحی پەکەکە بکەیت کاتێ کە ھەوێی میتت لە گیرفاندایە؟!

* بە ھیچ بڕیارێکی حکومەت مەڵێ تڕحێو کاتێ کە برادەرەکەی تەنیشتت پەیامنێری (باس) ە.

* گوێ لە تەحلیلی ھیچ ھەڵسوڕاوێک مەگرە کاتێ کە وەعدی وەرگرتبێت براگەورە پارەی شوققەکەی بۆ ئەدات.

* ئیمۆجی دڵ بۆ ھیچ ئافرەتێک مەنێرە کاتێ کە رەسمی پڕۆفایلەکەی تەزبیحێک و کەعبەیە.

* چاوەڕێی چی لە عیراق ئەکەی کاتێ کە بە حەیاتی دوو قسەی راستی لێ نەبیستویت؟

* ھەرگیز بە باوکت مەڵێ پارەم پێ نییە بەتایبەت کاتێ کە لەگەڵ تڕی خۆیدا شەڕ ئەکات.

* فیرعەون لە چاویدا ئەبێتە ئەسحابە کاتێ کە کاکم نۆسەد دۆنم لەسەر کۆماپنیاکەی خۆی تاپۆ ئەکات.