دیكارتەكانی زەمانی كۆرۆنا

.

دیكارتەكانی زەمانی كۆرۆنا
* من بە دەستكێش و دەمامكەوە دەنووم، كەواتە من ھەم -ھاووڵاتیی ئاقڵ-

*من ھەموو رۆژێك لە عەینی شوێندام كەواتە من مەفرەزە ھاوبەشەكانم

*من گاڵتەم بە باوكی كۆرۆناش دێت كەواتە من بووك گواستنەوەكەی ھەولێرم

*بەس لە سلێمانی باشتر بم ئیتر بە گونی بارگیرمەوە كەواتە من ئاماری كۆرۆناكەی ئەولام

*لەم حكومەتەدا بە دۆش ئەیژەنین كەواتە من تیپی كۆراڵی یەكێتی و گۆڕانم
من بۆم ئیسپات كردن زۆر لە پێش سۆماڵەوە نین كەواتە من كۆرۆناكەی ئەوروپام

*درێژترین دە ساڵی تەمەنم بوو ئەم یەك دوو مانگە كەواتە من بیجامە لەپێیەكی یەخسیری ماڵەوەم

*لە عالەمدا كەس وەكو من تڕۆ نەبوو كەواتە من نەوتم

*ھەم نوێژ و عیبادەتی ناو مزگەوتم كەمكردەوە ھەم فیسق و فەسادی نادی و دەعباكان كەواتە من كۆڤید نۆزدەم

*وا بڕوات ئەكەومە سەر ساجی عەلی، كەواتە من سەنتەری مەساجم

*ھەر كۆرۆنا مابوو منی لەسەر تاقی بكەنەوە، کەواتە من رەشكەم

* ھەزار سەگم ھەبێ یەکێکیان ڤایرۆسی کۆرۆنایە، کەواتە من سەرکردایەتیی سیاسیی عیراقم