ئاگاداریه‌ك بۆ وارسی شه‌هیدانی كه‌ركوك

.

به‌ڕێوه‌به‌رایه‌تی كاروباری شه‌هیدان و ئه‌نفالكراوه‌كانی كه‌ركوك له‌باره‌ی مووچه‌وه‌ وارسی شه‌هیدان ئاگادار ده‌كاته‌وه‌.

ده‌قی ئاگادارییه‌كه‌..
دوای هه‌وڵ و ماندووبوونێكی زۆری به‌ڕێوه‌به‌رایه‌تی كاروباری شه‌هیدان و ئه‌نفالكراوانی كه‌ركوك توانرا (مووچه‌)ی وارسی سه‌ربه‌رزی شه‌هیدانی سنوری به‌ڕێوه‌به‌رایه‌تییه‌كه‌مان دابینبكرێت و بهێنینه‌وه‌ كه‌ركوك و له‌ به‌ڕێوه‌به‌رتییه‌كه‌مان دابه‌شی بكه‌ین.
بۆیه‌ وه‌ك قۆناغی یه‌كه‌م سه‌ره‌تا ئاگاداری كه‌سوكاری سه‌ربه‌رزی شه‌هیدانی (سه‌نگه‌ر و هاووڵاتی) ده‌كه‌ینه‌وه‌ ئه‌وانه‌ی كه‌ پێشتر مووچه‌كانیان له‌ چه‌مچه‌ماڵ له‌ بانكی (چه‌موو) بووه‌، رۆژی شه‌ممه‌ 4-4-2020 ده‌ستبه‌دابه‌شكردنی مووچه‌كانیان ده‌كه‌ین به‌م شێوه‌یه‌ی لای خواره‌وه‌:
۱- رۆژانی 4 و 5ی مانگ، دابه‌شكردنی مووچه‌ی شه‌هیدانی سه‌نگه‌ر.
۲- رۆژانی 6و 7ی مانگ دابه‌شكردنی مووچه‌ی شه‌هیدانی هاووڵاتی.
هه‌روه‌ها وارسی سه‌ربه‌رزی ئه‌و شه‌هیدانه‌شی كه‌ پێشتر له‌ هه‌ولێر له‌ بانكی (برایه‌تی) مووچه‌كانیان وه‌رده‌گرت، هه‌ر كاتێك له‌ لایه‌ن بانكی بڕایه‌تییه‌وه‌ ئاگادار كراینه‌وه‌ ده‌ستبه‌ دابه‌شكردنی مووچه‌كانی ئه‌وانیش ده‌كه‌ین.
تێبینی: داوا له‌كه‌سوكاری سه‌ربه‌رزی شه‌هیدانیش ده‌كه‌ین له‌كاتی وه‌رگه‌رتنی موچه‌كانیان ره‌چاوی لایه‌نی ته‌ندروستی و حۆپارست له‌په‌تای كۆرۆنا بكه‌ن و ده‌مامك و ده‌ستكێش به‌كاربهێنن.

PUKmedia به‌ڕێوه‌به‌رایه‌تی كاروباری شه‌هیدان و ئه‌نفالكراوه‌كانی كه‌ركوك