تا

.

تا
*تا موسایەکی تر ھەزار فیرعەون
*تا شۆڕشێکی تر سەد ئاشبەتاڵ
*تا خولە چەخماخەیەکی تر دەیان بەزمی بەزم
*تا ئارامێکی تر ئای لەو ھەموو مەفرەزە خاصەیە!!
*تا شەکراوێک چواردە تەعزێ
*ھەتا سپارتاکۆسێکی تر دانیشن بە یۆلیۆس قەیصەر
* تا مەڵکەندییەکی دیکە بە ڕیزێک پاک ستیتان دەسپێرم
*تا حەمەساڵح دیلانێکی تر کۆستەرێک گۆرانیبێژی گەعدە
*تا کفتەیەکی صابونکەران عەرەبانەیەک سیقەتۆرەی ئێکسپایەر
*تا نەورۆزێکی تر فەرمون ئێوە و فەوجێک زوحاک
*تا قوتابخانەیەکی تری سەرشەقام ئەو شوەیفاتە ئاگای لێتان بێ
*تا کەنارییەکی تر ھیوای کاتێکی خۆش لەگەڵ ئەم پشیلە سمێڵ خوێناوییەدا