ڤایرۆسی خۆماڵی

.

ڤایرۆسی خۆماڵی
+بەگم؟
-گیانی بەگت
+تۆ باوەڕ ئەكەی ئەو پەتا دوابڕاوە لە شۆربای شەمشەمە كوێرەوە داكەوتبێ؟
-ئەی بۆ باوەڕ ناكەم؟.شەمشەمە كوێرەدەعبایەكی پیسە
+ئەڵێن پڕە لە ڤایرۆس
-وات عەرز ئەكەن بەڵێ
+قوڕی هەموو دنیا بە سەرم جا ئاخۆ شۆربای مالیكی چۆن بێ ئوستاز!!
*باشە بۆ لەم هەموو عالەی خوایەدا مالیكی قوڕبەسەر؟
*ئەو سەلامەتە قوربان.نە خۆی ئەیبستێتەوە نە كەسیش لەسەری هەڵ ئەداتێ
-دە من ئەوە بە ئازایەتی نازانم كەللە پووت،ئەگەر ڕاست ئەكەیت و ڕەخنەگری تەواویت باسی شۆربایەكی خۆماڵی بكە
+هەی لە كاكت نەكەوێ هەی .هەر تۆو شۆربای خۆماڵی؟!!... بنووسە دۆینە،گەنمەكوتاو،چەنگسوو......
-بەس بەس ..ئەوانە ناڵێم زۆڵ..شۆربای ڤایرۆساوی باس كە..ڤایرۆساوی خۆماڵی
+شۆربای خۆماڵی ڤایرۆساوی؟
-ئمم
+ترخێنە قوربان
-توو شەرەف عەیب ناكەی. چۆن جورئەت ئەكەی بەخۆت بڵێی كورد؟ئەسڵەن ئائەمەنە شعوری قەومیت نی یە
-دوێنێ فەحسم كرد گەورەم ،وتیان هەتە
-دەست ئەدەم بەقورعانا نیتە.ئەگەر هەتبوایە ئەو غەدرە گەورەیەت لە ترخێنە نە ئەكرد
+غەدر نی یە لەجێی گشت كەسم.مەنطيق وائەفەرموێ.ئەڵێ مەعقول نی یە ترخێنە ئەو هەهوو شتەی تیا بێ بەڵام ڤایرۆسی تیا نەبێ
-دەی دەی دەی تێ گەیشتم. زۆرزانی بلیمەت .ئەوی لە تۆ نەترسێ نەعوزو بیللا لە خواش ناترسێ.ئەزانم ئەتەوێ بڵێی چی،ئەتەوێ بڵێی مەعقول نی یە ئەم هەموو پەڕلەمانتار و مەسئول و ئەنجومەن و وەزیر و گزیرە ڤایرۆسێكی كوشندەیان تیا نەبێ
+بەساقەی ئەو خوایەت بم ئوستاد ،بەینی خۆمان بێ چاك بارەكەیت دۆزیوەتەوە
_باری چی؟
+باری ئەوەی هەرچییەكت بوێ بیڵێی ،بەناوی منی هەناسە ساردەوە ئەیڵێی