هاتوچۆی هەولێر ئاگادارییەك بڵاودەكاتەوە

.

بەڕێوەبەرایەتی هاتوچۆی هەولێر رەزامەندی دەدات بەتۆماركردنی ئەو ئۆتۆمبێلە مۆدیل 2017 ی كە لەگومرگی باشماخەوە داخڵی هەرێمی كوردستان كراون.

بەڕێوەبەرایەتی هاتوچۆی هەولێر لەراگەیەندراوێكدا كە وێنەیەكی دەست PUKmedia كەوتووە ئاگادارییەك بڵاودەكاتەوە و تێیدا رایدەگەیەنێت: ئاگاداری هاووڵاتیان و شوفیران و كۆمپانیاكانی كرین و فرۆشتنی ئۆتۆمبێل دەكەینەوە، كەوا رەزامەندی دراوە بەتۆماركردنی ئەو ئۆتۆمبێلە مۆدیل 2017 ی كە لەگومرگی باشماخەوە داخڵی هەرێمی كوردستان كرابوون.

راشیگەیاندووە، بەبێ ئەوەی توشی سزای دارایی بن بەمەرجیك تاكو  رۆژی2020/2/16سەردانی بەڕێوەبەرایەتی هاتوچۆ بكەن بەمەبەستی تۆماركردنی ئوتومبیلەكانیان، بەپیچەوانەوە لەدوای تیپەربوونی ئەو ماوەیە سزای دواكەوتن دەكەویتە سەر هەر ئۆتۆمبێلێك كەخاوەنەكەی سەردانی هاتووچۆی نەكردبێت بۆتۆماركردن لەماوەی دیاریكراودا.

PUKmedia  راگەیاندنی هاتوچۆی هەولێر