فینلاند.. ساڵیادی كۆماری كوردستان ده‌كرێته‌وه‌

.

رۆژی شه‌ممه‌ رێكه‌وتی 18-1-2020، له‌شاری توركو و به‌سه‌رپه‌رشتی حزبی دیموكراتی كوردستانی ئێران ئاهه‌نگی  74 هه‌مین ساڵیادی دامه‌زراندنی كۆماری كوردستان كرایه‌وه‌.

له‌م یاده‌دا نوێنه‌ری زۆربه‌ی حزب و رێكخراوه‌ سیاسیه‌ كوردستانیه‌كان و ژماره‌یه‌كی به‌رچاوو له‌ ره‌وه‌ندی كوردستانی به‌شدار بوون، هه‌روه‌ها له‌سه‌ر بانگهێشتی ره‌سمی حزبی سه‌رپه‌رشتیار، وه‌فدی كۆمیته‌ی رێكخستنی یه‌كێتیی نیشتمانیی كوردستان له‌ فینلاند به‌شداربوون، وه‌فدی كۆمیته‌ی پێكهاتبوو له‌ جه‌بار جمعه‌ لێپرسراوی كۆمیته‌ و ئه‌حمه‌د خۆشناو كارگێڕی چاودێری و به‌دواداچوون و مه‌زن بابان به‌رپرسی به‌شی كۆمه‌ڵایه‌تی و په‌خشان كورده‌ به‌رپرسی مه‌كته‌بی خزمه‌تی پێشمه‌رگه‌ رێكخستنه‌ دێرینه‌كانی له‌ فینلاند.

سه‌ره‌تای ئاهه‌نگه‌كه‌ به‌ سروودی ئه‌ی روقیب ده‌ستی پێكرد، پاشان به‌خێرهاتنی ئاماده‌بووان كرا، دوای ئه‌وه‌ په‌یامی حزبه‌كان به‌م شێوه‌یه‌ پێشكه‌ش كران، په‌یامی حزبی دیموكراتی كوردستانی ئێران، كۆمه‌ڵه‌ی ژنانی دیموكرات،  كۆمه‌ڵه‌ی شۆرشگێڕی زه‌حمه‌تكێشانی كوردستانی ئێران، جه‌بار جمعه‌ په‌یامی كۆمیته‌ی رێكخستنی یه‌كێتیی نیشتمانیی كوردستان  له‌ فینلاند پێشكه‌ش كرد و وتی: هه‌ڵكردنی ئاڵای كوردستان له‌سه‌رده‌می كۆماری كوردستاندا و دامه‌زراندنی هێزی پێشمه‌رگه‌ شانازیه‌كه‌ بۆ كۆمه‌ڵگای كوردستان و نیشانه‌یه‌كی روونه‌ بۆ ناسنامه‌ و ره‌سه‌نایه‌تی رۆڵه‌ به‌ئه‌مه‌ك و خه‌باتگێڕانی ئه‌و گه‌له‌ و هه‌ر به‌و پێیه‌ ئه‌وان ده‌توانن له‌ژێر ئه‌و هیما و سمبۆڵه‌ نه‌ته‌وه‌ییه‌دا داكۆكی له‌ ناسنامه‌ و بوونی خۆیان بكه‌ن، هیوا شوانی په‌یامی كۆمه‌ڵه‌ی پێشمه‌رگه‌ دێرینه‌كان لیژنه‌ی فینلاندی پێشكه‌ش كرد، پارتی دیموكراتی كوردستان، هه‌روه‌ها چه‌ند رێكخراوێكی تریش په‌یامی خۆیان پێشكه‌شكرد.

پاش پێشكه‌ش كردنی په‌یامی حزبه‌كان له‌سه‌ر ئاوازی مۆسیقای ره‌سه‌نی كوردی و ده‌نگی هونه‌رمه‌ندان ئاهه‌نگه‌كه‌ تا دوانزه‌ی شه‌و درێژه‌ی هه‌بوو.

PUKmedia