لەئەڵمانیا پرۆژەی پێگەیاندنی مامۆستای كورد دەدرێت بە وەزیری خوێندنی باڵا
تاراوگە 02:00 PM - 2020-01-04.
وەزیری خوێندنی باڵا و توێژینەوەی زانستی حكومەتی هەرێم لەگەڵ دەستەی بەڕێوەبەریی یەكێتی مامۆستایانی كورد لە ئەوروپا كۆ بوەوە، دوای تاوتوێكردن و گفتوگۆكردن لەبارەی پرۆژەی پەروەردەكردنی مامۆستای كورد بۆ ئەڵمانیا و دۆخی یەكێتی مامۆستایانی كورد و پێداویستییەكانیان بەڵین هاوكاری پێویستی پێدان.
د. ئارام محەمەد قادر، وەزیری خوێندنی باڵا و توێژینەوە زانستی لە شاری دۆسێلدۆرف-ی ئەڵمانیا، لەگەڵ یەكێتی مامۆستایانی كورد لە ئەوروپا كۆ بوەوە و گوێی لێ گرتن و بەڵێنی هاوكاری پێویستی پێدان.
وەفدی یەكێتی مامۆستایانی كورد لە ئەوروپا پێكهاتبوون لە (عەبدولقادر ئولوماسكان- سەرۆكی یەكێتی مامۆستایان كورد لە ئەوروپا، جاهید كاپلان، سەمیر خدر، یوسف بلگچ- ئەندامانی كۆمیتەی بەڕێوەبردنی یەكێتی مامۆستایان كورد لە ئەوروپا).
لە سەرەتای دانیشتنەكەدا حەمید ئەبوبەكر بەدرخان، بەرپرسی ئەكادیمیای بەدرخان بۆ توێژینەوەی رۆژنامەوانیی و كەلتوور، تیشكی خستە سەر گرنگی زمان و پەروەردەكردنی زارۆكی كورد و لەهەمبەر ئەوانەی لە دەرەوەی كوردستان دەژین، دواتر مامۆستا عەبدولقادر باسێكی كورتی یەكێتی مامۆستایانی كورد لە ئەوروپا و بایەخ و گرنگی مامۆستایان كوردی كرد لە ئەڵمانیا بە گشتی و هەرێی نۆردڕاین وێستفالن بە تایبەتی.
دواتر هەر یەك لە مامۆستایان یوسف بلگچ، جاهید كاپلان و سەمیر خدر باسی بارودۆخی خوێندنی زمانی زگماكیان بە گشتی بۆ وەزیری خوێندنی باڵا روونكردنەوە، تێیدا بە درێژی باسی یاسای خوێندنی زمانی زگماكی كرا لە ئەڵمانیا و بایەخی هەبوونی مامۆستای كوردی كرا.
هەروەها بەڕێوەبەرانی یەكێتی مامۆستایانی كورد لە ئەوروپا، بە شێوەیەكی تێر و تەسەل باسیان لە كەموكوڕیی و نەبوونی مامۆستای كورد كرد لە ئەڵمانیان، باسیان لەوەش كرد كە بۆ پێگەیاندن و پەروەردەكردنی مامۆستای كورد لە ئەلمانیان تووشی گیروگرفتی زۆری یاسایی و ئەكادیمی دەبنەوە، لە بەرانبەردا د. ئارام هاوڕابوونی خۆی بۆ گرنگی فێركردنی زمانی زگماكی لە دیاسپۆرا كرد و بەڵێنی ئەوەی پێدان كە بەجدی كار دەكات بۆ هاوكاریكردنیان بۆ پێگەیاندن و پەروەردەكردنی مامۆستایانی زمانی كورد لەپێناو گەیاندنی خزمەت بە منداڵانی كورد لە ئەڵمانیا بە گشتی.
لە كۆتایی دانیشتنەكەدا، وەفدی یەكێتی مامۆستایانی كورد لە ئەوروپا، پرۆژەیەكیان پێشكەشی وەزیری خوێندنی باڵا و توێژینەوەی زانستی كرد كە تێیدا میكانزم و قۆناغەكانی پێگەیاندنی مامۆستایانی زمانی كوردی و هاوكارییەكانی وەزارەتی خوێندنی باڵای روون كرابوەوە، هاوكات د. ئارام بەڵێنی پێدان كە لە گەشتی داهاتوویدا بۆ ئەڵمانیا، پرۆژەكە لەگەڵ بەرپرسانی وەزارەتەكانی پەروەردە و چەند زانكۆیەك بخاتە بەر باس و كار بكەن بۆ پێگەیاندنی مامۆستایانی زمانی كوردی.
فێربوونی زمانی دایك لەئەڵمانیا بە یاسا رێكخراوە، هەر خوێندنگەیەك زیاتر لە 10 خوێندكاری هەر زمانێكی جگە لە ئەڵمانی هەبێت، بەڕێوەبەرایەتی خوێندنگە ئەركیەتی كە مامۆستای ئەو زمانە بۆ ئەو خوێندكارانە دابین بكات، بەهۆی ئەوەی كە رەوەندی كوردی گرفتی كەمی مامۆستایان هەیە، خوێندكارانی كورد لە ئەڵمانیا وەكو پێویست ناتوانن بە زمانی دایك پەروەردە ببن.
PUKmedia تایبەت
هەواڵی زیاتر
-
قوباد تاڵەبانی: دواخستنی هەڵبژاردن زیان بە شەرعییەتی هەرێم دەگەیەنێت
06:07 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
12:01 PM - 2024-05-09 -
دژەتیرۆر و هاوپەیمانان 3 تیرۆرست دەستگیردەکەن
10:07 PM - 2024-05-08 -
عیراق بڕیاری چارەسەرکردنی کێشەی جوتیارانی کەرکوک دەدات
08:54 PM - 2024-05-08
ئەمانەش ببینە
کوردستان 08:59 PM - 2024-05-09 قوباد تاڵەبانی بۆ وەفدێکی ئەمریکا: پەکخستنی هەڵبژاردن هەرێم دەخاتە مەترسییەوە
هەڵوێستی یەکێتی راستگۆ و نەگۆڕە لەسەر هەڵبژاردن
04:33 PM - 2024-05-09
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
03:31 PM - 2024-05-09
پهرلهمان بۆ ههڵبژاردنی سهرۆك پشووهكهی دوادهخات
12:30 PM - 2024-05-09
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
09:39 AM - 2024-05-09
زۆرترین خوێنراو
-
هەڵوێستی یەکێتی راستگۆ و نەگۆڕە لەسەر هەڵبژاردن
کوردستان 04:33 PM - 2024-05-09 -
سەرۆک بافڵ: پەیوەندییەکانمان بۆ بەرژەوەندییە نیشتمانییەکانە
کوردستان 03:31 PM - 2024-05-09 -
هاوخەمی سەرۆک بافڵ بۆکۆچی دوایی خاتوو نازەنین
پرسەنامە 03:02 PM - 2024-05-09 -
هەڵوێستە نەگۆرەکانی یەکێتی لە واشنتۆنەوە
بیروڕا 02:46 PM - 2024-05-09 -
پهرلهمان بۆ ههڵبژاردنی سهرۆك پشووهكهی دوادهخات
کوردستان 12:30 PM - 2024-05-09 -
سەرچاوەیەک: شاسوار لەهەوڵەکانی پارتی بۆ دواخستنی هەڵبژاردن بێدەنگە
کوردستان 12:01 PM - 2024-05-09 -
هاوخەمی قوباد تاڵەبانی بۆ کۆچی دوایی خاتوو نازەنین
پرسەنامە 10:49 AM - 2024-05-09 -
لێپرسراوی ناوهندی یاسایی یهكێتی: نیهتی پارتی دواخستنی ههڵبژاردنه
کوردستان 09:39 AM - 2024-05-09