وا ئەزانێ

.

وا ئەزانێ
*خۆی کۆسەیە کەچی بەڕیشی باووباپیرییەوە ئەنازێ،وا ئەزانێ ھەموو شوێنێ حیزبە کوردییەکانە
*ئەڵێ پێویستە ڕێز لەبیرو باوەڕی یەکتری بگرین،وائەزانێ ئێرە سویسرایە
*لە ھەموو ھەڵبژاردنێکدا ئەبێ ھەر خۆی یەکەم بێ،وا ئەزانێ پارتی یە
*ئەیەوێ ماسییش بگرێت و قولەپپێشی تەڕ نەبێ،وائەزانێ موعارەزەیە
*سەعات سێی شەو نەخۆش ڕیز ئەکات بۆ عەمەلیاتی مایەسیری،وائەزانێ جەبلە ئەگرێتەوە
*بەتەمایە بگەڕێتەوە بۆ ساڵانی نەوەدەکان،وائەزانێ کارەبایە
*حەز ناکات ھیچ شوێنێکی بەدەرەوە بێت،وا ئەزانێ پارەی نەوتەکەیە
* داواکاریی ناردووە تەلەفزیۆن زوو زوو باسی بکات،وائەزانێ برنجی مەحمودە
*خووی داوەتە من شەوو ڕۆژ چاوێکی لەسەرمە،وا ئەزانێ فەیسبوکم
*بەدەست ئەوبێ ھەمیشەو دایم عەینی خەڕەکمان بۆ ئەڕێسێتەوە،وا ئەزانێ تەئریخە
*ھەموو دڵێکمان بە حکومەت خۆشە،وا ئەزانین جەرجیرە
*لە کەوچکێک ئاوی ساحەی تەحریردا ئەکەوێتە بۆقە مەلە،وائەزانێ سیاسەت گاڵتەیە