پێشمەرگەدێرینەکان لاوێکی بەهرەمەندیان خەڵات کرد

.

رۆژی ٢٨/١٢ وەفدێکی کۆمیتەی ئەڵمانیای کۆمەڵەی پێشمەرگەدێرینەکانی کوردستان بەسەرۆکایەتی " هاوڕی کامەران عارف" بەرپرسی کۆمیتەو بەهاوڕێیەتی هەریەک لەتێکۆشەرانی دێرین" شێخ هیواو شێخ وەهاب" کارگێرانی کۆمیتەو هونەرمەند "هوشیار حەمەفەرەج " و " محمەد جێشانە" کادیری ڕێکخستنەکان ، لەشاری بۆن سەردانی لاوی بەهرەمەند خوێندکاری زانکۆ" دیاری هیوا" یان کرد کە وەرزشوانێکی بەتواناو سەلیقەیەو ڕۆڵێکی بواری هەیە لەبواری وەرزشی زانکۆی Loughborough University  ی بەریتانی کە نازناوی نایابترین زانکۆی وەرزشی هەیە لەسەر ئاستی هەموو جیهان ، ئەو وەرزشوانە لەناو زانکۆکەیدا یاری تۆپی پێ دەکا، هاوکات یارزانی یانەیەکی پلەیەکی ئینگلتەرایەوڕۆڵی بەرچاوی هەیە لەبەرزکردنەوەی ئاستی هەڵبژاردەکەی،ئەو کوڕەکوردە چەند جارێک لەلایەن هەڵبژاردەی عێراقیەوە بانگهیشت کراوە بۆسەردان وڕاهێنان کردن بە وەرزشوابنانی تیپەکە ، دواجارسەرەتای ئەمساڵ بۆ ماوەی دوو هەفتەلە خولێکی ڕاهێنان لە نەجەف بەشداری کردو تواناو شارەزایەتی خۆی پێشکەش بە وەرشواوەرشوانانی هەڵبژاردەی عێراقی کردو ئەوانیش سوپاسی ئەو هەڵوێستە جوانەیان کرد.

وەفدەکەی کۆمیتە بەشانازیەوە ڕێزی لەو گەنجە ناو دیاری وسوپاسنامەی کۆمیتەی پێبەخشی لەپاڵ هەوڵ وماندوبونەوەکانی لەبواری وەرزشی وسەربڵنکردنی کورد لەوبوارەدا، بەناوی هەموو ئەندامانی کۆمیتەشەوە دەستەگوڵێکی ڕەنگاو ڕەنگی پێشکەشکردو هەمویان پشتیوانی خۆیان بۆ ئەو لاوە دوپات کردەوەو هیوایان خواست کە تواناکانی خۆی پەرەپێ بدات لەبواری وەرش وخزمەتی گەلەکەمانی پێ بکات.

کاکە دیاری سۆزو پەیمانی پێدان کە بۆخزمەتی کوردو کوردستان چاو لە پێشمەرگەبکاو لە پێشکەوتن سڵ نەکاتەوە بۆ شەکاندنەوەی ئاڵای کوردو کوردستان.

PUK Media ئەڵمانیا، بورهان ئەمین