شەریك

.

شەریك
*ئەو لێگزسە جام تاریكەی كە قەرەج سەر ئەخا پێی ئەڵێن پیسخۆر
*ئەو ماتۆڕە بێ لایتەی كەشەو لە ڕێی دوكان تەنكەرێكی سەریع لوولی ئەكات بە طوب عەدلی ئەڵێ نسیب
*ئەو ئافرەتەی كە لەعانی شۆربا هەڵقوڕاندندا ئەڵێ ئححح گوناحە پارەی ساڵۆنی بۆ بدەی
*ئەو پیاوەی كە هیچ بەرنامەیەكی بۆت نەبێ پێت ئەڵێ خوشكێ
*ئەو دەسەڵاتەی كە فشەی بەدیموكراسی بێ بە موعارەزە ئەڵێ بۆخۆتان هەڵپەڕن
*ئەو یەكێتییەی كە چاوبەرەژێری پارتی بێت بە ئاشبەتاڵ ئەڵێ نسكۆ
*ئەو قوڕمساغەی كەجاران پێیان ئەگو ئیستیعمار ئێستا چەپەكان پێی ئەڵێن كۆمەڵی دەولی
*ئەو كەسەی كەنازانێ چیتە و عەللاگەیەك دەرمانت بۆ ئەنووسێ پێی ئەڵێن دكتۆر
*ئەو مەكتەبەی كە ئەیڕوخێنن و ئەیكەن بە بەنزیخانە بە حوكمەت ئەڵێ باوەپیارەی میللەت
*ئەو مەسئولەی كە دوو دەققە زیاتر گوێی لێ گرتیت و قسەكەی لە دەمتا نەكرد بە شەكر كامێرای شاراوەیە
*ئەو كۆمپانیایەی كە عەرزی بە سیعری تۆڵەكە پێ ئەفرۆشن بە حیزب ئەڵێ شەریك