لەسەر ئێوە.....لەسەر ئێمە

.

لەسەر ئێوە.....لەسەر ئێمە
شیڕە شیڕ و باسی حۆری و مەشروب و کوڕە لووسکەکانی بەھەشت لەسەر ئێوە
دەم داچەقاندن و موچڕکی خەیاڵە سێکسییەکانیش لەسەر ئێمە
***********
دوکەڵ و خۆراکی گەندوگوئاسای ھاوردە لەسەر ئێوە
سەرەتان و ھەموو دەستەخوشکەکانی لەسەر ئێمە
***************
جوانکردنی رابوردووە یەع و ناشیرینەکەتان لەسەر ئێوە
ئەشھەدوبیللای ناھەق لەسەر ئێمە
**********
فڕک وھووڕی تانکەرە پڕ لەنەوتەکان لەسەر ئێوە
چۆقەچوقی ددانی کەللەتەزیویش لەسەر ئێمە
**************
دروستکردنی داعش و جڕوجانەوەرەکانی تر لەسەر ئێوە
مەرگ و ئاوارەیی و ھەناسەساردییش لەسەر ئێمە
***********
ئیفادێکی عائیلی بۆ وڵاتانی ئەوروپا لەسەر ئێوە
نووسینەوەی نامەی دکتۆراکەی ماڵەوەتان لەسەر ئێمە
*****************
وەعد و درۆی سەر خەرمانی سیاسی لەسەر ئێوە
فیکەو چەپڵەی قایم لەسەر ئێمە
***********
دزی تێکسمڕاوی چوارشانە و بێ حەیا لەسەر ئێوە
پۆلیسی لەڕو لاوازی شەرمن لەسەر ئێمە
***********
وڵاتێکی بێ کارەبای ساردو سڕ لەسەر ئێوە
بازاڕێکی پڕ لە ھیتەری پێنج شیشی لەسەر ئێمە
***********
فڕک و ھووڕی بیست و چوارسەعاتەی تەیارەکان بەسەر قەندیلا لەسەر ئێوە
قڕو قەپی حەیابەرەش لەسەر ئێمە
*************
فۆتۆشۆپی سمتی ھێلی لێڤەکان لەسەر ئێوە
تەعقیبی مەعاشی کەمئەندامییش لەسەر ئێمە
*************
قوتکردنەوەی بەنزینخانەیەک ڕێک لە تەنیشت مەکتەبێکەوە لەسەر ئێوە
لاحەولەوەلایەکی تر لەسەر ئێمە