كۆبوونەوەی كۆمیتەی هاوكاری لەدانیمارك

.

بە ئامادەبوونی چەندین پارت و لایەنی سیاسی كوردستانی لە هەرچوارپارجەی كوردستان ڕۆژی هەینی بەرواری  6-12-2019 كۆبوونەوەی كۆمیتەی هاوكاری لە شاری كۆبنهاگن  بەڕیوەچوو.

سەرەتای كۆبوونەوەكە بەساتێك وەستان بۆ گیانی پاكی شەهیدانی كوردستان دەستی پێكرد ، پاشان ئاماژە كرایە سەر هۆكاری بەستنی كۆبوونەوەكە كە مەبەست ئەوەیە كە كۆمیتەی هاوكاری لە دانیمارك چالاكتر بكەنەوە وە پەیكەر و پەیڕەو پڕۆگرام و بەرنامەی كاری ئایندەی بۆ دابنێن .

جێگای ئاماژەیە كە لە ئێستادا كۆمیتەی هاوكاری پێكهاتووە لە ( ١٤ ) پارت ولایەنی سیاسی كوردستانی لە هەرچوارپارچەی كوردستان ، كە بەنوێنەراتی یەكێتی نیشتیمانی كوردستان هەریەك لە هەڤاڵان ( حسن عزیز و سەباح مجید ) بەشداری كۆبوونەوەكە بوون. پاش گۆڕینەوەی ڕاوبۆچوونەكان وە هەوڵدان بۆ دابەش كردنی ئیش و كارەكانی كۆمیتە وە بۆ باشتر ڕاپەڕاندنی ئەو كارانەی دێنە پێشەوە ئەركەكانیان بەم شێوەیە دابەش كرد.

١/ حسن عزیز .. بەڕێوەبەری كۆمیتەی هاوكاری    وە نوێنەری یەكێتی نیشتیمانی كوردستان لە كۆمیتەی هاوكاری
٢/ سەعید احمد ... لێپرسراوی دارایی كۆمیتەی هاوكاری
٣/ میرزا ئاكار... ووتەبێژی كۆمیتەی هاوكاری
٤/علی وەتنیش ... ئەرشیفی كۆمیتەی هاوكاری
٥/ شوكری الجوجو... بەشی ڕاگەیاندنی

ئەلیكترۆنی و وێب سایدی كۆمیتەی هاوكاری
هەر لە كۆبوونەوەكەدا بڕیاردارا بۆ هەر ئەگەر و پێشهاتێك و بۆ ڕووداوە نە خوازراوەكان لە هەرپارچەیەكی كوردستان پێویستە كۆمیتەی هاوكاری كارو چالاكی هاوبەش ئەنجام بدات كە پەیوەست بێت بەو ڕووداوە .

كۆمیتەی هاوكاری بەرنامەی كاری (٦ ) مانگی داهاتووی دانا وە بەشێك لەئەركی سەرەكی كارەكانی دەبێت یادو ڕێزگرتن بێت لە ڕۆژە نەتەوایەتیەكان  هەروەك . ڕۆژی ئالای كوردستان و كارەساتی هەڵەبجەو ئەنفال و كۆمەڵكوژی قامیشلو و جەژنی نەورۆزو هەندێ یادی پێویستی تر كە یادكردنەوەیان بە ئەركی سەرشانی كۆمیتەی هاوكاری دەزانرێت..
لە كۆتاییدا كۆبوونەوەكە بەسەركەوتوویی كۆتایی هات.

 PUKmedia  تایبەت