گه‌رمیان .. پێشمه‌رگه‌ پیلانێكی داعشی پوچه‌ڵكرده‌وه‌

.

دوای ئه‌وه‌ی تیرۆرستانی داعش په‌لاماری هێزه‌كانی پێشمه‌رگه‌یان له‌گوندی ده‌ككه‌ی نێوان كوڵه‌جۆو خۆرئاوای خانه‌قین دا،و شه‌ڕێكی سه‌خت روویدا، په‌لاماره‌كه‌یان پوچه‌ڵكرایه‌وه‌.

عه‌مید ئومێد به‌ڕێوبه‌ری پۆلیسی كه‌لار به‌ PUKmedia ی راگه‌یاند: په‌لاماره‌كه‌یان له‌سنوری گوندی ده‌كه‌ بووه‌، كه‌ده‌كه‌وێته‌ سنوری  كوڵه‌جۆ- خانه‌قین.

وتیشی: په‌لاماره‌كه‌ له‌لایه‌ن هێزه‌كانی پێشمه‌رگه‌وه‌ تێكشكاوه‌.

رونیشكرده‌وه‌: تاكو ئێستا سێ شه‌هیدو دوو بریندار گه‌یه‌ندراونه‌ته‌ نه‌خۆشخانه‌ی فریاكه‌وتنی كه‌لار.

باسی له‌وه‌شكرد: ماوه‌ی چه‌ند رۆژێكه‌ داعش فشاره‌كانی بۆ سه‌ر سنوره‌كانی ناحیه‌ی كوڵه‌جۆ زیاتر كردوه‌و هێزه‌كانی پێشمه‌رگه‌ش سه‌نگه‌ره‌كانیان زیاتر تۆكمه‌ كردوه‌.

به‌پێی زانیاریه‌كانی PUKmedia شه‌هیده‌كان، به‌ناوه‌كانی" لوقمان – ده‌ربه‌ندیخان، مه‌حمود – رزگاری، زیا- كفری" و برینداره‌كانیش چاره‌سه‌ریان وه‌رگرتووه‌و له‌مه‌ترسی ده‌رچوون.

PUKmedia تایبه‌ت