سوید ..پرسەی خاتوو ئەگنێتا بەڕێوەچوو

.

رۆژی 24ـ11ـ2019 مەراسیمی پرسەی خاتوو ئەگنێتا هاوژینی عومەر شێخ مووس ئەندامی دەستەی دامەزرێنەری یەكێتیی نیشتمانیی كوردستان بە بەشداری ژمارەیەكی بەرچاو لە رەوەندی كوردی و نوێنەری زۆربەی حزب و لایەنە سیاسیەكانی كوردستان لە مەراسیمێكی شایستەدا بەڕێوە چوو.

شایانی باسە ئۆرگانەكانی یەكێتی نیشتمانی لە سوید وەك نوێنەری یەكێتی ،لێپرسراوی كۆمیتەی سوید و لێپرسراوی ڕێكخراوی دیموكراتی و جێگری ل. كۆمیتەی پێشمەرگە دێرینەكانی سوید و لێپرسراوی لیژنەی كۆمەڵەی پێشمەرگە دێرینەكانی ڤێستەرس و لێپرسراوی كەرتەكانی ستۆكهۆڵم و ئۆریبرو و كادرو ئەندامانی ستۆكهۆلم و ئێسكیلستونا و كەرتی ئۆپسالا ئامادەیی بەرچاوییان لە پرسەكە هەبوو.

هەر لە میانەی مەراسیمەكەدا چەندین كەسایەتی سیاسی و ئەندامێكی پەرلەمانی سوید و فیدراسوێنی كۆمەڵە كوردستانیەكان وتەیان خوێندەوەو باسی دەوری كاریگەری خاتوو ئەگنێتیان كرد كە سەرباری ئەوەی هاوسەرێكی بە ئەمەكی یەكێك لە سەكردە ناودارەكانی كورد بوو لە هەمان كاتدا وەكو یەكەمین كچی سویدی لە ڕۆژە سەختاكانی خەباتدا بە بەرگی كوردیەوە هاوشانی كاك عومەر شێخ موس ئەندامی دەستەی دامەزرێنەری یەكێتت بەشداری خەباتی شاخی كردوە ئەوەیان بە سەروەریەكی مێژوویەكی كاریگەر وەسف كرد لە خەباتی ڕزگاری خوازی گەلی كورددا.

لە كۆتاییدا دكتۆر كاروخ شەهید دكتۆر خالید بە ناوی كاك عومەرەوە سوپاسی ئامادەیی بەشداربوان كرد و پرسەكە كۆتایی هات.

PUKmedia فەلاح ئەحمەد رەشید- سوید