كۆمیتەی بەریتانیا كۆدەبێتەوە

.

بەئامادەبوونی ھاوار حاجی بەرپرسی رێكخستنەكانی دەرەوە و كاك رێبوار ئەحمەد كارگێری ناوەند كۆبوونەوەی ئەنجومەنی كۆمیتەی بەریتانیا بەرێوەچوو.

سەرەتای كۆبونەوەكە بەدەقیقەیەك وەستان بۆ گیانی پاكی شەھیدان دەستی پێكردو دواتر ھاوار حاجی بەوردی باسی  بارودۆخی ناوچەكەو كوردستان و عیراقی كردو دواتر ھاتە باسی رێكخستنەكان و شێوازی بەستنی كۆنگرەو چۆنێتی بەشداری كردنی ئەندامانی كۆنگرە.

دواتر رێبوار ئەحمەد بەرپرسی پێشووی كۆمیتە بەوردی باسێكی ئیش و كاری رێكخستنەكانی كرد لە ماوەی رابردوودا چۆنیەتی گەشەسەندنی رێكخستنەكانمان لەسەرجەم شارەكاندا وە باسێكی وردی كرد دەربارەی دەستەودەستكردنی دەسەڵات لە نێوان بەرپرسی كۆمیتەو بەرپرسی رێكخستن كەبەپێی رێنمایەكانی مەكتب رێكخستن ماوەی دەست بەكاربوونی بەرپرسی نوێی كۆمیتە شەش مانگ دەبێت و دواتر كارەكانی ھەڵدەسێنگریت و بریاری لەبارەوە دەدرێت.

 دواتر بە ئاڵوگۆڕی راو بۆچوون لەنێوان ئامادەبوواندا كۆتایی بە كۆبونەوەكەھێنرا.

PUKmedia ئیسماعیل دەربەندیخانی