دانیمارك..خۆپیشاندان له‌ كۆبن هاگن به‌ڕێوه‌چوو

.

ڕۆژی شه‌مه‌ به‌رواری ٢٦/١٠/٢٠١٩ له‌ كۆبنهاگنی پایته‌ختی دانیمارك خۆپیشاندانێكی جه‌ماوه‌ری گه‌وره‌ به‌ڕێوه‌چوو.

به‌سه‌رپه‌رشتی  چه‌ندین لایه‌ن و پارتی سیاسی دانیماركی و ڕێكخراوه‌كانی كۆمه‌ڵگای مه‌ده‌نی وپارت و لایه‌نه‌ سیاسیه‌كانی كوردستانی و كوردانی هه‌رچوارپارچه‌ی كوردستان خۆپیشاندان ئه‌نجام درا.

سه‌ره‌تا به‌ ووتنه‌وه‌ی چه‌ندین دروشم بۆ پاڵپشتی كوردانی ڕۆژئاوا وه‌ توركیا بۆ ده‌ره‌وه‌ له‌ ڕۆژئاوا له‌ ناو شه‌قامه‌كانی كۆبنهاگن و دواتر ڕۆیشتن به‌ره‌و سه‌نته‌ری شار خۆپیشاندانه‌كه‌ درێژه‌ی هه‌بوو.

پاش ئه‌وه‌ی خۆپیشانده‌ران له‌ سه‌نته‌ری شار كۆبوونه‌وه‌ ، پارت و لایه‌نه‌ سیاسیه‌كان به‌ په‌یامی پاڵپشت له‌ ڕۆژئاوا به‌شداریان كرد و داوای چوونه‌ ده‌ره‌وه‌ی سوپای توركیایان كرد له‌ ڕۆژئاوای كوردستان.

جێگای ئاماژه‌یه‌ بۆ ئه‌م مه‌به‌سته‌ ژماره‌یه‌كی به‌رچاو له‌ ڕێكخستنه‌كانی كه‌رتی ڕێكخستنی كۆبنهاگن -كۆمیته‌ی دانیمارك یه‌كێتیی نیشتمانی كوردستان  ئاماده‌بوون و پاڵپشتی خۆیان نیشاندا بۆ ڕۆژئاوای كوردستان.

PUKmedia  ده‌نیمارك