ئاگادارییه‌ك له‌ كوردانی هۆڵه‌نداوه‌

.

خۆپیشاندان و نارِه‌زایی
ئاشتیانه‌ی ئازادی خوازانی جیهان و كوردستانیانی سه‌ربه‌رزی هۆڵه‌ندا
له‌ به‌رده‌م شاره‌وانی سه‌ره‌كی ئه‌مستردامدا رِۆژی شه‌ممه‌ رِێكه‌وتی 19-10-2019  له‌م ناونیشانه‌:

وه‌ك ئاگادارن رِژێمی رِه‌فتار فاشی توركیا  12رِۆژه‌ بێ گوێدانه‌ یاسا نێوده‌وڵه‌تیه‌كان و مافی مرۆڤ و به‌ها ئه‌خلاقیه‌كان....به‌ربۆته‌ گیانی ئازادیخوازانی رِۆژئاوا، به‌مه‌به‌ستی داگیركردن و گۆرِینی دیموگرافیای ناوچه‌كه‌، وا ئێستاش به‌ هۆی به‌رگری و مقاوه‌مه‌ت و له‌خۆبووردوویی  شه‌رڤانانی گیان له‌سه‌ر ده‌ست، خه‌ریكه‌ خه‌ونی دروستكردنی ده‌وڵه‌تی عوسمانلی گه‌وره‌ له‌ بارده‌برێت، له‌به‌ر ئه‌وه‌ به‌ ناوی ئاشتی و نیوه‌ندگیری ئه‌مه‌ریكاوه‌ ده‌یانه‌وی به‌ جۆریكی دیكه‌ په‌ره‌ به‌ده‌سته‌ڵاته‌ پاوانخوازییه‌كه‌یان بده‌ن.
بۆیه‌ به‌رامبه‌ر ئه‌م هێرشه‌ نارِه‌وایانه‌ و ئه‌و گه‌مه‌ نارِه‌وایانه‌ی ده‌وڵه‌ته‌ زلهێزه‌كان  بانگێشتان ده‌كه‌ین، با به‌شێوازێكی ئاشتیانه‌ و مۆدێرنانه‌، له‌ رِێپێوانێكی ھێمنانه‌دا، رِووی گه‌شی شارستانیانه‌ی خۆمان نیشانبده‌ین و خۆمان بگرین له‌ ھه‌موو جۆره‌ توندوتیژیه‌ك، هه‌مووان وه‌ك كورد له‌ ژێر یه‌ك چه‌تردا، له‌گه‌ڵ دۆسته‌ هۆڵه‌ندییه‌كان و گه‌لانی هاورِێ و هاوسۆزی مه‌ینه‌تییه‌كانی كورد پێكه‌وه‌ ئاماده‌بین.
دواكارین بێگویدانه‌ رِه‌نگی حیزبی و رِێكخراوه‌یی به‌ ئاڵای كوردستانه‌وه‌ رِۆژی شه‌ممه‌ رِێكه‌وتی 19-10-2019  كاتژمێر دووی پاشنیوه‌رِۆ له‌شاری ئه‌مستردام له‌ به‌رده‌م گۆرِه‌پانی سه‌ره‌كی شاره‌وانی ئه‌مستردام "ئه‌مستڵ 1" بۆئه‌م مه‌به‌سته‌ كۆببنه‌وه‌، بۆ پشتیوانی براكانمان له‌ رِۆژئاوا، له‌ كات و شوێنی دیاریكراودا.

PUKmedia