واده‌ی كاراكردنی زانكۆلاین راگه‌یه‌نرا

.

ئاگادارییه‌ك له‌ وه‌زاره‌تی خوێندنی باڵا بۆ ده‌رچوانی دوانزه‌ی ئاماده‌یی 
 له‌ سه‌ره‌تای هه‌فته‌ی داهاتوه‌وه‌ ده‌رچوانی قۆناخی دوانزه‌ی ئاماده‌یی (خولی یه‌كه‌م و دوه‌م) ده‌توانن وشه‌ی تێپه‌ڕو نهێنی (پاسۆرد و یوزه‌رنه‌یم) له‌ خوێندنگه‌كانیان وه‌ربگرنه‌وه‌.

عه‌باس ئه‌كره‌م وته‌بێژی وه‌زاره‌تی خوێندنی باڵا و توێژینه‌وه‌ی زانستی ڕایگه‌یاند: دوای هه‌وڵه‌كانی به‌ڕێوه‌به‌رایه‌تی گشتی خوێندن و پلاندانان و به‌دواداچون له‌ وه‌زاره‌ت و ناوه‌ندی وه‌رگرتنی خوێندكاران، توانرا وشه‌ی تێپه‌ڕو نهێنی (پاسۆرد و یوزه‌رنه‌یم) بۆ سه‌رجه‌م ده‌رچوان ئاماده‌بكرێت و، ئه‌مڕۆش وشه‌ی تێپه‌ڕو نهێنی (پاسۆرد و یوزه‌رنه‌یم) ڕه‌وانه‌ی وه‌زاره‌تی په‌روه‌رده‌ كرا.

وته‌بێژی وه‌زاره‌تی خوێندنی باڵا و توێژینه‌وه‌ی زانستی داوا له‌ ده‌رچوانی پۆلی دوانزه‌ی ئاماده‌یی به‌هه‌ردو خولی یه‌كه‌م و دوه‌م ده‌كات له‌ سه‌ره‌تای هه‌فته‌ی داهاتوه‌وه‌ سه‌ردانی خوێندنگه‌كانیان بكه‌ن بۆ وه‌رگرتنه‌وه‌ی وشه‌ی تێپه‌ڕو نهێنی (پاسۆرد و یوزه‌رنه‌یم)، وتیشی پێویسته‌ ده‌رچوان به‌باشی پاسۆرد و یوزه‌رنه‌یمه‌كانیان بیپارێزن، چونكه‌ دواتر له‌ڕێگه‌ی ئه‌و (پاسۆرد و یوزه‌رنه‌یم)ه‌ ده‌توانن (زانكۆلاین) پڕبكه‌نه‌وه‌.

PUKmedia به‌ڕێوه‌به‌رایه‌تی ڕاگه‌یاندنی وه‌زاره‌ت