تابلۆ نایابه‌كانی هه‌ڵه‌بجه‌ مه‌زاد ده‌كرێن

.

پارێزگای هه‌ڵه‌بجه‌ له‌ ئاگادارییه‌كدا كه‌ ئه‌مڕۆ 22-8-2019، كۆپییه‌كی بۆ PUKmedia نێردراوه‌، ئاگاداری سه‌رجه‌م هاووڵاتییان ده‌كاته‌وه‌، كه‌ له‌به‌ر رۆشنایی راگه‌یه‌نراوی وه‌زاره‌تی ناوخۆ ژماره‌ (6) ساڵی 2019، تایبه‌ت به‌ تۆماركردن و پێدانی تابلۆی شارستانی (عیراق - هه‌ڵه‌بجه‌) به‌ ئۆتۆمبێله‌كانی سنووری پارێزگای هه‌ڵه‌بجه‌ و فرۆشتنی ژماره‌ نایه‌به‌كان به‌ زیادكردنی ئاشكرا، ئاگاداری هاووڵاتییان ده‌كاته‌وه‌ كه‌ پارێزگای هه‌ڵه‌بجه‌ به‌ هه‌ماهه‌نگی به‌ڕێوه‌به‌رایه‌تی هاتوچۆی هه‌ڵه‌بجه‌ هه‌ڵده‌ستێت به‌ فرۆشتنی ژماره‌ نایابه‌كانی (1 و 2و 3و 4و 5و و7 و8 و 9) جۆری تایبه‌ت به‌ رێگه‌ی زیادكردنی ئاشكرا به‌پێی ئاسای فرۆشتن و به‌كرێدانی موڵكه‌كانی ده‌وڵه‌ت، بۆیه‌ش هه‌ركه‌سێك ئاره‌زووی به‌شداریكردنی هه‌یه‌ پێویسته‌ له‌ ماوه‌ی 20 رۆژدا له‌ به‌رواری 27-8-2019، تا 15-9-2019، له‌ سه‌عات 8:30 ده‌قیقه‌ی به‌یانی تاكو 2:30 ده‌قیقه‌ی پاشنیوه‌ڕۆ سه‌ردانی بینای به‌ڕێوه‌به‌رایه‌تی هاتوچۆی هه‌ڵه‌بجه‌ بكات بۆ تۆماركردنی ناوه‌كه‌ی بۆ به‌شداری له‌ زیادكردنه‌كه‌دا.

PUKmedia