مۆزه‌خانه‌ی كه‌له‌پوری گه‌رمیان ده‌كرێته‌وه‌

.

وابڕیاره‌ له‌چه‌ند رۆژی داهاتوودا دوای نۆژه‌نكردنه‌وه‌ی مۆزه‌خانه‌ی كه‌له‌پوری گه‌رمیان له‌نهۆمی یه‌كه‌می قه‌ڵای شێروانه‌ بكرێته‌وه‌.

ساڵه‌ح محه‌مه‌د جێگری به‌ڕێوبه‌ری شوێنه‌واری گه‌رمیان به‌ PUKmedia ی راگه‌یاند: دوای ئه‌وه‌ی به‌هۆی بومه‌له‌رزه‌وه‌ زیانی پێگه‌یه‌نرا، له‌لایه‌ن حكومه‌تی هه‌رێمی كوردستانه‌وه‌ بودجه‌یه‌ك ته‌رخانكرا بۆ ئه‌وه‌ی نهۆمی یه‌كه‌می قه‌ڵای شێروانه‌ كه‌ مۆزه‌خانه‌ی كه‌له‌پوری گه‌رمیانه‌ نۆژه‌نبكرێته‌وه‌.

وتیشی: له‌لایه‌ن تیمێكی شاره‌زا له‌بواره‌كه‌دا كاری نۆژه‌نكردنه‌وه‌ ئه‌نجامدراوه‌و ئێستا ته‌واوی كاره‌كانی ته‌واوبووه‌و، ئاماده‌كاری بۆ كردنه‌وه‌ی ده‌كه‌ین.

رونیشكرده‌وه‌: له‌ناو مۆزه‌خانه‌كه‌دا چه‌ندین جۆری كه‌لوپه‌لی كورده‌واری تایبه‌ت به‌ناوچه‌كه‌ تیایدا نمایش ده‌كرێت و هاووڵاتیان رۆژانه‌ سه‌ردانی ده‌كه‌ن.

PUKmedia سامان یاروه‌یس