ئاگاداری ئه‌م پاككه‌ره‌یه‌وه‌ بن

.

لیژنه‌ هاوبه‌شه‌كان ده‌ستبه‌سه‌ر بڕێكی زۆر مادده‌ی پاككه‌ره‌وه‌‌ ده‌گرن و نوێنه‌ری كوالێتی كۆنترۆڵی سلێمانیش ده‌ڵێت، زیان به‌ پێستی خانمان ده‌گه‌یه‌نێت.

چیمه‌ن بایز نوێنه‌ری به‌ڕێوه‌به‌رایه‌تی كوالێتی كۆنترۆڵی جۆری سلێمانی له‌ لیژنه‌ هاوبه‌شه‌كان رایگه‌یاند؛ به‌هۆی گومانی خراپبوون له‌لایه‌ن لیژنه‌ی كۆگاكانی سه‌ربه‌ لیژنه‌ هاوبه‌شه‌كانی قائیمقامیه‌ته‌وه‌ ده‌ستبه‌سه‌ر بڕێكی زۆر مادده‌ی پاككه‌ره‌وه‌دا گیراوه‌و نمونه‌ی ره‌وانه‌ی كوالێتی كۆنترۆڵ كراوه‌ بۆ پشكنین.

وتیشی؛ ئه‌و پاككه‌ره‌وه‌ی ده‌ستی به‌سه‌ردا گیراوه‌ له‌جۆری (پلورا)یه‌ بڕه‌كه‌ی (35) تۆنه‌ و به‌ بۆنه‌كانی شلك و لیمۆ سێو دروستكراوه‌، بۆ شتنی قاپ و پێداوستی ناوماڵ به‌كارده‌هێنرێت.

راشیگه‌یاند؛ له‌به‌ڕێوه‌به‌رایه‌تی كوالێتی كۆنترۆڵ پشكنینی كیمیایی بۆ كراوه‌، ده‌ركه‌وتووه‌ كه‌ شیاوی به‌كارهێنان نییه‌ و زیان به‌ پێستی ئه‌و خانمانه‌ی به‌كاریده‌هێنن ده‌گه‌یه‌نێت.

PUKmedia راگه‌یاندنی قائیمقامیه‌تی سلێمانی