وێنه‌..ئوردن سه‌دان پارچه‌ ئاسه‌وار ده‌گه‌ڕێنێته‌وه‌ بۆ عیراق

.

ل عه‌بدولمه‌هدی سه‌رۆك وه‌زیرانی عیراق، 1300 پارچه‌ ئاسه‌واری ده‌گمه‌نی له‌ هاوتا ئوردونیه‌كه‌ی عومه‌ر ره‌زاز وه‌رگرته‌وه‌ كه‌ ده‌سه‌ڵاتدارانی ئوردن به‌ده‌ستیانهێنابوونه‌وه‌.

به‌پێی راگه‌یه‌ندراوێكی نوسینگه‌ی عادل عه‌بدولمه‌هدی " سه‌رۆك وه‌زیرانی عیراق سوپاسی هاوتا ئوردنیه‌كه‌ی كردووه‌ له‌به‌رامبه‌ر ده‌ستبه‌سه‌رداگرتنی ئه‌و پارچه‌ ئاسه‌واره‌ به‌قاچاخبراوانه‌و گێڕانه‌وه‌یان بۆ عیراق".

راگه‌یندراوه‌كه‌ له‌سه‌ر زاری عه‌بدولمه‌هدیه‌وه‌ بڵاویكردووه‌ته‌وه‌ " ئه‌و ئاسه‌واره‌ ده‌گمه‌نانه‌ ئه‌گه‌رچی خاوه‌ندارێتیه‌كه‌یان بۆ عیراق ده‌گه‌ڕێته‌وه‌، به‌ڵام موڵكی مرۆڤایه‌تین و گێڕانه‌وه‌شیان قازانجی عیراق و ئوردنی تێدایه‌".

هه‌ر به‌پێی راگه‌یه‌ندراوه‌كه‌، دوای دانیشتنێكی گفتوگۆ كه‌ ئه‌مڕۆ شه‌ممه‌ 2-2-2019 له‌ ناوچه‌یه‌كی سنوری نێوان هه‌ردوو وڵات به‌ڕێوه‌چوو، یاداشتی راده‌ستكردنی پارچه‌ ئاسه‌واره‌كان له‌نێوان عیراق و ئوردندا ئیمزاكرا.

PUKmedia تایبه‌ت