10 كه‌س به‌هۆی زیاده‌ڕۆیی بۆ سه‌ر ناوچه‌ شوێنه‌وارییه‌كان دراونه‌ته‌ دادگا

.

ته‌نها له‌ساڵی رابردوودا له‌ده‌ڤه‌ری راپه‌رین 10 هاووڵاتی به‌هۆی ئه‌نجامدانی زیاده‌رۆیی بۆسه‌ر ناوچه‌ شوێنه‌واریه‌كاین سنووره‌كه‌ دراونه‌ته‌ دادگا.

له‌لێدوانێكی تایبه‌تدا بۆ PUKmedia بارزان بایز به‌رێوه‌به‌ری شوێنه‌واری راپه‌رین رایگه‌یاند له‌ساڵی 2018 ده‌ هاووڵاتی به‌تۆمه‌تی زیاده‌رۆیی بۆسه‌رناوچه‌ شوێنه‌واریه‌كانی ده‌ڤه‌ری راپه‌رین رووبه‌وی دادگا كراونه‌ته‌وه‌و له‌ئێتاشدا كه‌یسه‌كانیان له‌دادگایه‌و له‌چاوه‌روانی بریاری دادگادان.

به‌رێوه‌به‌ری شوێنه‌واری راپه‌رین ئاماژه‌ی به‌وه‌شدا به‌شێوه‌ی به‌رده‌وام چاودێری ناوچه‌شوێنه‌واریه‌كان ده‌ڤه‌ری راپه‌رین ده‌كرێت و رێگه‌ به‌هیچ كه‌سێك نادرێت زیاده‌رۆیی بۆسه‌ر ناوچه‌ شوێنه‌واری و مێژوویه‌كان ئه‌نجامبدات.

PUKmedia هونه‌ر ره‌سوڵ -رانیه‌