ئاگاداریه‌ك له‌شاره‌وانی سیته‌كه‌وه‌ بۆ هاووڵاتییان

.

سه‌رۆكایه‌تی شاره‌وانی سیته‌ك و به‌شی كشتوكاڵی سیته‌ك، بۆ دواین جار ئاگاداری ئه‌و هاووڵاتییانه‌ ده‌كه‌نه‌وه‌كه‌ خانوو باخیان له‌ سنووری شاره‌وانی سیته‌ك هه‌یه‌، له‌ماوه‌ی مانگێكدا سه‌ردانیان بكه‌ن به‌مه‌به‌ستی تۆماركردنی باخه‌كانیان.

شاره‌وانی سیته‌ك له‌ راگه‌یه‌نراوێكدا كه‌ كۆپیه‌كی ده‌ست PUKmedia كه‌وتووه‌، ئاگاداری سه‌رجه‌م ئه‌و هاووڵاتییانه‌ ده‌كاته‌وه‌ كه‌ باخ و خانوو و ڤێلا یان دروست كردووه‌ له‌سنووری شاره‌وانی سیته‌ك و ده‌ره‌وه‌ی سنووری شاره‌وانی و گونده‌كانی سه‌ر به‌ناحیه‌ی سیته‌ك، جگه‌ له‌ ناو گوندی سیته‌ك، له‌ ماوه‌ی یه‌ك مانگدا سه‌ردانی به‌ڕێوه‌به‌رایه‌تی بكه‌ن به‌مه‌به‌ستی تۆماركردنی باخ و خانوو و ڤێلا كانیان.

هه‌ر له‌راگه‌یه‌نراوه‌كه‌دا، ئاماژه‌ به‌وه‌ دراوه‌ له‌ دوای ئه‌و ماوه‌یه‌ی دیاریكراوه‌، كه‌ ده‌كاته‌ 18-11-2018 تا 18-12-2018، هه‌ر هاووڵاتییه‌ك سه‌ردانی شاره‌وانی سیته‌ك نه‌كات مافی تۆماركردنی نامێنێت.

به‌پێی راگه‌یه‌نراوه‌كه‌، پێویسته‌ خاوه‌ن موڵك كۆپی پێناسی باری شارستانی + كارتی زانیاری له‌گه‌ڵ خۆیدا ببات.

PUKmedia سه‌رۆكایه‌تی شاره‌وانی سیته‌ك