دابەشكردنی مووچەی مامۆستایان پێشدەخرێت

.

بەپێی ئەو خشتەیەی پێشتر بڵاوكرابووەوە، بڕیاربوو  مووچەی وەزارەتی پەروەردە رۆژی سێشەممە 9-10-2018 دابەشبكرێت، وتەبێژی وەزارەتەكەش رایدەگەیەنێت، دابەشكردنی مووچە پێشخراوەو سبەینێ دابەش دەكرێت.

مەریوان عومەر بەڕێوەبەرایەتی پەروەردەی سلێمانی  بە PUKmedia ی راگەیاند: سەرجەم مامۆستایان و فەرمانبەرانی سەر بە وەزارەتی پەروەردە ئاگادار دەكەینەوە، كە سبەینێ 8-10-2018 مووچەی وەزارەتی پەروەردە دابەش دەكرێت.

وتیشی: لە خشتەكەی وەزارەتی دارایدا هاتبوو كە رۆژی سێشەمە 9-10-2018 مووچەی وەزارەتی پەروەردە دابەشدەكرێت، بەڵام ئەمرۆ خشتەكە گۆڕانكاری بەسەردا هات و سبەینێ مووچە دابەشدەكرێت.

PUKmedia  تاژاو محەمەد