كاره‌بای سلێمانی هاووڵاتییان ئاگادار ده‌كاته‌وه‌

.

به‌ڕێوه‌به‌رایه‌تی گشتی كاره‌بای سلێمانی ئاگاداری خاوه‌ن مۆلیده‌ ئه‌هلییه‌كان و هاووڵاتییان ده‌كاته‌وه‌ كه‌به‌هۆی كه‌مبوونه‌وه‌ی غاز ئه‌مڕۆ خشته‌ی كاره‌بای نیشتمانی وه‌كو خۆی جێبه‌جێناكرێت.

له‌ راگه‌یه‌نراوێكی به‌ڕێوه‌به‌رایه‌تی گشتی كاره‌بای سلێمانی كه‌ ئه‌مڕۆ 12-9-2018، كۆپیه‌كی ده‌ست PUKmedia  كه‌وتوه‌، تێیدا هاتووه‌، به‌ڕێوه‌به‌رایه‌تی كاره‌بای سلێمانی ئاگاداری خاوه‌ن مۆلیده‌ ئه‌هلییه‌كانی ناو شاری سلێمانی ده‌كاته‌وه‌ كه‌ ئه‌مًڕۆ چوارشه‌ممه‌ به‌هۆی كاری چاكسازی كۆمپانیای دانه‌ غازو دابه‌زینی ئاستی به‌رهه‌م هێنانی غاز، دابه‌شكردن و به‌رهه‌مهێنانی كاره‌باش له‌وێستگه‌كاندا كه‌میكردوه‌.

له‌ڕاگه‌یه‌ندراوه‌كه‌دا ئاماژه‌ به‌وه‌شدراوه‌ كه‌ ئه‌مڕۆ خشته‌ی كاره‌بای نیشتمانی وه‌كو خۆی جێبه‌جێناكرێت.

له‌و چوارچێوه‌یه‌شدا داوا له‌خاوه‌ن مۆلیده‌ ئه‌هلییه‌كانی ناو شاری سلێمانی ده‌كه‌ن تاچاره‌سه‌ركردنی كاره‌بای نیشتمانی كاره‌بای پێویست به‌هاوولًَاتییان بده‌ن.

هه‌ر له‌ راگه‌یه‌نراوه‌كه‌دا ئه‌وه‌ش هاتووه‌، پێده‌چێت تائێواره‌ كاره‌بای نیشتمانی ئاسای بببێته‌وه‌و به‌رنامه‌ی به‌رهه‌م هێنانی كۆنترۆڵی كاره‌با وه‌كو خۆی جێبه‌جێبكرێت.

PUKmediaبه‌ڕێوه‌به‌رایه‌تی گشتی كاره‌بای سلێمانی