به‌ڕێوه‌به‌رایه‌تی كاره‌بای سلێمانی خاوه‌ن موه‌لیده‌ ئه‌هلییه‌كان ئاگادارده‌كاته‌وه‌

.

به‌رێوه‌به‌رایه‌تی گشتی كاره‌بای سلێمانی خاوه‌ن موه‌لیده‌ ئه‌هلییه‌كانی سنووری پارێزگای سلێمانی ئاگادارده‌كاته‌وه‌، ئاگاداری خاوه‌ن موه‌لیده‌كان ده‌كاته‌وه‌، كه‌ له‌ ئه‌مڕۆوه‌ هه‌ینی، هه‌ركاتێك كاره‌بای نیشتمانی كوژایه‌وه‌، پێویسته‌ ئه‌وان كار به‌ موه‌لیده‌كانیان بكه‌ن، نابێت هیچ موه‌لیده‌یه‌كیش له‌ 15 خوله‌ك زیاتر دوابكه‌وێت، به‌پێچه‌وانه‌وه‌ به‌سه‌رپێچی داده‌نرێت و سزا ده‌درێت، ئه‌مه‌ش ده‌قی ئاگادارییه‌كه‌یه‌:

ئاگادارییه‌ك بۆ خاوه‌ن موه‌لیده‌ ئه‌هلییه‌كانی سنوری پارێزگای سلێمانی
 سه‌ره‌ڕای ئه‌وه‌ی گۆڕانكاری له‌ خشته‌ی پێدانی كاره‌بای موه‌لیده‌ ئه‌هلییه‌كان كراوه‌، به‌ڵام له‌لایه‌ن هاووڵاتیان ئاگاداركراوینه‌وه‌ته‌وه‌ كه‌ هه‌ندێك له‌ خاوه‌ن موه‌لیده‌كان پابه‌ند نه‌بوون به‌ كاركردنی 24 سه‌عاتی و پێشنیوه‌ڕۆ ئه‌مڕۆ هه‌ینی كاریان نه‌كردوه‌، له‌كاتێكدا رۆژی 30 ی ئایار ئاگاداركراون كه‌ له‌ 1-6-2018، هه‌ر كاتێك كاره‌بای نشتیمانی كوژایه‌وه‌ كار به‌ موه‌لیده‌كانیان بكه‌ن و كاره‌با به‌ هاووڵاتییان بده‌ن.

دووباره‌ ئاگاداری خاوه‌ن موه‌لیده‌كان ده‌كه‌ینه‌وه‌، كه‌ له‌ ئه‌مڕۆ هه‌ینیه‌وه‌، هه‌ركاتێك كاره‌بای نشتیمانی كوژایه‌وه‌، پێویسته‌ ئه‌وان كار به‌ موه‌لیده‌كانیان بكه‌ن، نابێت هیچ موه‌لیده‌یه‌كیش له‌ 15 خوله‌ك زیاتر دوابكه‌وێت، به‌پێچه‌وانه‌وه‌ به‌سه‌رپێچی داده‌نرێت و سزا ده‌درێت.

خوازیاریشین كه‌ سه‌رجه‌م موه‌لیده‌كان پابه‌ندن بن و هاووڵاتییان بێ كاره‌با نه‌كه‌ن.

راگه‌یاندنی
به‌رێوه‌به‌رایه‌تی گشتی كاره‌بای سلێمانی

PUKmedia