له‌ڕێگه‌ی داهاتی پێشه‌نگایه‌كه‌وه‌ جل و به‌رگ بۆ منداڵان دابین ده‌كرێت

.

كۆمه‌ڵه‌ی زامی كوردستان له‌ڕێگه‌ی داهاتی پێشه‌نگایه‌كه‌وه‌ جل و به‌رگ بۆ منداڵان دابین ده‌كات
بڕیاره‌ له‌ رۆژی 2/6-تاوه‌كو 12/6، كۆمه‌ڵه‌ی زامی كوردستان به‌هاوكاری گروپێكی خۆبه‌خشی ده‌ست ڕه‌نگین پێشه‌نگایه‌ك له‌ژێرناوی (خه‌نده‌یه‌ك بۆسه‌ر لێوی منداڵه‌بینازه‌كان) له‌مۆزه‌خانه‌ی نیشتمانی ئه‌منه‌سوره‌كه‌ له‌سه‌عات 11 به‌یانی تاوه‌كو 10 شه‌و بكاته‌وه‌.

سه‌ردار غه‌فور ساڵح سه‌رۆكی كۆمه‌ڵه‌ی زامی كوردستان رایگه‌یاند: به‌هۆی ئه‌و قه‌یرانه‌ ئابورییه‌ی به‌رۆكی سه‌رجه‌م خه‌ڵكی كوردستانی گرتووه‌، وه‌ك ئه‌ركێكی نیشتمانی به‌هۆی ئه‌وه‌ی ژماره‌یه‌كی زۆر خه‌ڵك توانای دابین كردنی جل و به‌رگی بۆ منداڵه‌كانی نییه‌ بۆجه‌ژنی ڕه‌مه‌زان، كۆمه‌ڵه‌ی زامی كوردستان به‌هاوكاری گروپێكی ده‌ست ڕه‌نگین، بڕیارماندا ئه‌م پێشه‌نگایه‌ بكه‌ینه‌وه‌ تاوه‌كو له‌ ڕێگه‌ی ئه‌وداهاته‌ی ده‌ستمان ده‌كه‌وێت جل و به‌رگ بۆ منداڵانی بێ سه‌رپه‌رشت و كه‌م ده‌رامه‌ت له‌نیو سه‌رجه‌م چین وتوێژه‌كانی كۆمه‌ڵگا دابین بكه‌ین .

سه‌ردار غفور وتیشی: تاوه‌كو ئێستا زیاتر له‌ 2 هه‌زار منداڵی بێ سه‌رپه‌رشت وكه‌م ده‌رامه‌ت له‌سه‌رجه‌م ناوچه‌ جیاوازه‌كانی كوردستان لای ڕێخراوه‌كه‌ی ئێمه‌ تۆمار كراوه‌ هه‌موو ئه‌مانه‌ پێویستیان به‌جل و به‌رگ وپێداویستی جه‌ژن هه‌یه‌ بۆیه‌ داوا له‌هاولاتیان به‌شێوه‌یه‌كی گشتی و كه‌سانی خودا پێداو ده‌كه‌ین كه‌هاوكارمان بن له‌ڕێگه‌ی كڕینی پارچه‌یه‌ك له‌ئیشی ده‌ست یاخود راسته‌خۆ دانانی بڕێك پاره‌ ،بتوانین خه‌نده‌ بخه‌ینه‌ سه‌رلێوی هه‌زاران منداڵی بێ سه‌رپه‌رشت و كه‌م ده‌رامه‌ت بۆ ڕۆژانی جه‌ژنی ڕه‌مه‌زان دڵخۆشیان بكه‌ین .

ئه‌وه‌ی جێگه‌ی باسه‌ بۆجه‌ژنی نه‌ورۆزی ئه‌مساڵ كۆمه‌لًه‌ی زامی كوردستان به‌هاوكاری هه‌مان گروپی خۆبه‌خشی ده‌ست ره‌نگین و به‌هاوكاری خاتوو هێرۆ ئیبراهیم ئه‌حمه‌د توانرا زیاتر له‌هه‌زارو سه‌دوپه‌نجا منداڵ جل وبه‌رگی كوردیان بۆدابین بكرێت و دلخۆش بكرێن .

PUKmedia كاوان ئه‌حمه‌د حمه‌ ساڵح هه‌ڵه‌بجه‌ی