رێبوار تەها !

ئارێز عەبدوڵڵا

سەرەڕای هەلومەرجەکانی کەرکوک، سەرەڕای ئەو ئاستەنگانەی بۆی دروست دەکران، سەرەڕای پاشماوەی دەسەڵاتی راکان جبوری، سەرەڕای دژايەتی هەندێک هێزی عێراقی و کوردستانی کاک رێبوار دڵسۆزی و لێهاتوويی خۆی پيشانی هەمواندا.

من لە نزيکەوە دەيناسم و دەزانم کاک رێبوار کەسێکی چەند بە پەرۆش و چۆن لەسەر رێبازی سەرۆک مام بڕوای بە پێکەوەژيانی کورد و عەرەب و تورکمان و کلد و ئاشوری و چەپکە گوڵەکە هەيە، دژی پێشێلکردنی مافی هەموانە و بە کردەوش سەلماندی.

کاک رێبوار ئامادەيە سەری خۆی لە پێناوی مافەکانی کورد دابنێ، بەڵام بە قەد (مثقال ذرة) يەک سازشيان لەسەر ناکات.

ئەو بە دڵسۆزی کاری کردوە، بۆيە لەسەر ئاستی عێراق يەکەم دەنگی لە کەرکوک هێنا، کەچی بۆ خزمەتی خەڵکيش هەر لە کەرکوک مايەوە.

ئەو دڵسۆز و لە خۆبردووە، بۆيە هەر بۆ خزمەتی گەلەکەی دەبێتەوە بە جێگری پارێزگار.

 دڵنيام کاك رێبوار بە هەمان گيانی ڕابردووی خزمەت دەکات و لە ئاييندەش جێدەستی دەبينين.

PUKMEDIA