Revenda Kurd û Êraqiyan roja gorên bikom bibîranîn

Revenda Kurd û Êraqiyan roja gorên bikom bibîranîn

Roja 16/5, balyozxaneya Êraqê bi fermana wezareta mafê mirov ya Êraqê bi hevkariya revenda Kurd û Êraqiyan roja qirkirina bikom bibîranîn û ew roj weke rojekî niştimanî dane nasandin.
Di destpêkê de console balyozxaneyê Dr. Zahêm Mislim, nameya wezîrê mafê mirov û balyozxaneyê a derbarê komkujiyên Êraqiyan xwendin, ku têde li ser çawayiya rêjma Be`sê ya jinavçûyî bi bê cudahiyek, miletê Êraqê qirrkiriye û 400 hezar Êraqî di gorên bi kom de veşartiye, zêdetir li 369 gorên bikom hatine diyar kirin û heya niha hîna jî lidûv gorên ne diyar digerin.  
Piştre jî Dr. Tehsîn Akreyî bi nave herdu revendan nameya xwe ya taybet ku tê de zêdetir amarên fermî destnîşan kirin, her weha hawara malbatên Helebçe û enfalê gîhand amadevanan û behsa ew herdu rûdanên xembar kir ku çawa Sedamê diktator bisedhezaran Kurd jinav biriye û 8 hezar Barzanî  di wan goran de  veşartiye. Ku heya îro jî Hikûmeta Herêma Kurdistanê li şûna wan goran de digerin û hewldidin ku rufatên wan vegerînin Kurdistanê.
Dr. Tehsîn Akreyî amaje bi wê yekê jî kir ku parlemana Siwêd û Birîtanyayê hewl didin rûdanên komkujiyên Kurdan bi jenosîd binasînin.
Akreyî di berdewamiya gotina xwe de cext kir ku dive hikûmeta Êraqê hewl bide ku vê rojê bike bi rojekî cîhanî, her weha amaje bi wê yekê jî kir ku hikûmeta Herêma Kurdistanê di meha adarê de li Hengariyayê revenda kurdî vexwend û karîn li gel 4 rojnamevanan di konferansa jenosîda navnetewî de ku 25 saliya biserhateyên Helebçe û Enfalê beşdar dibin û karîn peyama zulma li ser Kurdan bighînin çapemeniya Hengariyayê. Armanca wê konferansê jî daxwazkirina bijenosîd nasandina rûdanên Helebçe û Enfalê bi fermî di cîhanê de ye.

PUKmedia/Taybet