Qubad Talebanî:Divê Herêm û Bexda bi hevre hevkar bin

Ragihandina Cîgirê Serokwezîr

Qubad Talebanî û Feramerz Esedî, Konsulê Giştî yê Îranê li Hewlêrê

Qubad Talebanî Cîgirê serokwezîr pêşwazî li Feramerz Esedî, Konsulê Giştî yê Komara Îslamî ya Îranê li Hewlêrê kir û li ser çend mijarên girîng yên hevbeş nêrînên xwe parve kirin.

Di tewrek din ya civîn roja Çarşemê (10/06/2026) pêk hat û pêşketinên dawî yên li herêmê hatin gotûbêjkirin,di vî warî de, Cîgirê Serokwezîr hêvî kir ku hevdîtinên di navbera Amerîka û Îranê de ji bo hemû aliyan bigihêjin encamek xwestî û bibin sedema aştî û aramiya mayînde.

Derbarê rewşa Îraqê û pêkanîna hikûmeta nû ya Îraqê de, Qubad Talebanî geşbîniya xwe anî ziman ku derfeteke baş ji bo çareserkirina pirsgirêkên di navbera Herêma Kurdistanê û Bexdayê de derketiye hole û tekez kir ku divê Herêma Kurdistanê û Bexda bi hevre hevkarî û hemahengiyê bikin û ji bo pêşkeftina aborî û baştirkirina xizmetgûzarî û debara welatiyan bixebitin.

Di tewrek din de, rewşa siyasî ya Herêma Kurdistanê hate gotûbêjkirin,di vê derbarê de jî, Cîgirê Serokwezîr tekezî li ser zêdekirina hewlên ji bo bidawîanîna rewşa niha ya bê çare kir û bi pêwîst dît ku danûstandinên di navbera aliyan de ji nû ve dest pê bikin daku hikûmetek li ser bingeha hevbeşiya rastîn ava bikin.

PUKMEDIA