Li Kolêja Serbazî ya Qelaçwalanê 210 xwendekar dibin efser

PUKMEDIA

Merasîma derçûyê efseran

Merasîma xula 5'an a derçûyên efseran li Kolêja Serbazî ya Qelaçwalanê tê lidarxistin.
 
Îro yekşem 21/6/2026'an, di merasîmeke taybet de, bi amadebûna Nêçîrvan Barzanî Serokê Herêma Kurdistanê û Fermandeyê Giştî yê Hêza Pêşmergeyê Kurdistanê û Qubad Talebanî Cîgirê Serokwezîrê Herêmê, Mistefa Seyid Qadir Cîgirê Serokê Herêmê, Şoreş Îsmaîl Wezîrê Pêşmerge û hejmarek berpirsên hikûmî, ewlehî û efseran, 210 xwendekaran pileyê efseriyê wergirt.

Di merasîmê de, Amîd Rukn Teha Mihemed Emîn, ragirê Koleja Serbazî ya Sêyem a Qelaçwalanê, gotara Kolêja Serbazî ya Sêyem xwend û ragihand: Ev kolêj di sala 1992'an de ji aliyê Serok Mam Celal ve hatiye avakirin û bûye yek ji destkeftên Yekîtiya Nîştimanî ya Kurdistanê û gelê me, ku her dem keleha dîsîplîn, zanist û navenda birêxistinkirina bîrûbaweriya nîştimanî bûye û heta îro 14 hezar û 630 efser perwerde kirine.
Her wiha da zanîn: Îro em rûmeta serkeftina polêkî din ji zarokên nîştiman dibînin, ku ji îro pê ve perwerde û rahênana wan bi dawî dibe û erkên wan ên nîştimanî dest pê dikin. Di heman demê de, derçûyên îro mertalê navxweyî û sîbera tirsê ne ji bo dijminan.

Di merasîmê de, Serokê Herêma Kurdistanê gotarek pêşkêş kir û tê de bal kişand ser rola mezin a rihmetî Serok Mam Celal di piştgirîkirina hêzên Pêşmerge û avakirina Kolêja Serbazî de.
Wî wiha dewam kir: Em teqez li ser pêwîstiya yekkirina hêzên Pêşmerge di bin sîwana hêzeke niştimanî de dikin, û rola hêzên Pêşmerge di parastina Herêmê de gelek mezin bû. Divê şiyanên hêzên Pêşmerge werin pêşxistin da ku li gorî guhertinên serdemî yên nûjen bin, da ku di asta herî bilind de bin ji bo rûbirûbûna rîskên teror, tundrewî û hemû kêşeyên ewlehiyê.

Serokê Herêma Kurdistanê wiha domand: Em tekezî li ser yekîtiya helwêst û hevahengiya di navbera hemû partiyên sîyasî de dikin. Dema ku em yekgirtî bin û berjewendîyên bilindtir li ser hemû berjewendîyên din deynin, mayîndehîya Herêma Kurdistanê garantî ye. Hemû pêkhateyên Kurdistanê nasnameya vî welatê xweşik temsîl dikin, û ev ji bo Kurdistanê hêzek mezin e.

Em spasîya xwe ji hêzên hevpeyman re diyar dikin ku di şerkirin û têkbirina terorîstan de piştgirîya Îraq û Herêma Kurdistanê kirin. Her wiha em spasiya xwe ji heval û hevalbendên ku di yekbûna serketî ya hêzên Pêşmerge de piştgiriya me kirin re dikin.

Wî got: Herêma Kurdistanê û Îraq çarenûsek hevpar parve dikin, û em li Herêmê li bendê ne ku bi hikûmeta federal re, bi serokatiya Elî Zeydî, bi hev re bixebitin da ku pirsgirêkan li gorî destûrê çareser bikin û pêşerojek çêtir ji bo Herêma Kurdistanê û Îraqê misoger bikin.


PUKMEDIA