Hemû hecî bi selametî vegeriyan Kurdistanê

PUKMEDIA

Heciyên Herêma Kurdistanê

Şeva borî karwanê dawî yê heciyên Kurdistanê vegeriyan Kurdistanê û niha tu heciyekî Kurdistanî li Siûdiyê nemaye.

Karwan Stunî, Berdevkê Fermî yê Hec û Umreya Kurdistanê radigihîne: Duh bi şev hemû heciyên Kurdistanê li gorî bernameya dariştî vegeriyan Kurdistanê û niha tu heciyekî Kurdistanê li Siûdiyê nemaye.
Wî got jî: Îsal me proseyeke serkeftî bi rê ve bir û em spasiya hemû wan kesan dikin ku di vê proseyê de westiyan.

Pêştir Mamoste Ebas Xidir, Rêveberê Ewqafê yê Silêmaniyê ragihandibû: Hejmara hemû heciyên Herêma Kurdistanê pênc hezar û 120 hecî ne, ji vê hejmarê jî hezar û 262 hecî li sînorê parêzgeha Silêmaniyê ne, ku 704 hecî ji zayenda nêr in û 558 hecî jî ji zayenda mê ne, ku îsal ji bo bicihanîna ferîzeya hecê navên wan derketibûn.


PUKMEDIA