HRW: DAIŞ li dijî kurdên Kobanê çekên qedexe bikar aniye
kurdistani 04:48 PM - 2014-09-01HRW: DAIŞ li dijî kurdên Kobanê çekên qedexe bikar aniye
Rêxistina Şopandina Mafên Mirovan (HRW) da xuyakirin ku rêxistina dijminê mirovahiyê DAIŞ a xwe weke Dewleta Îslamî (DÎ) îlan kiriye, li herêma Kobanê li dijî şervanên Kurd bombeyên xarik (bombeyên ji gelek bombeyan pêk tê-çeka qedexekirî) bikar aniye.
HRW a navenda wê li New Yorkê ye, li gorî raporên rayedarên Kurd ên herêmî û daxuyanyên çeteyên DÎ, li herêma Kobanê di navbera 12'ê Tîrmeh û 14'ê Tebaxê de DÎ li dijî şervanên Kurd bombeyên xarik bikar anîne.
HRW da xuyakirin ku ev çeka qedexekirî, di şerê li derdora Kobanê yê di navbera çeteyan û şervanên YPG'ê de hatiye bikaranîn û destnîşan kir ku çeteyên DÎ yekemcar çekeke bi vî rengî bikar tîne. Hînê nehat zelal kirin ku çeteyan ev çek çawa bi dest xistine.
Çeteyên DÎ ji destpêka meha Tîrmehê û vir ve li hemberî Kobanê êrîşan lidar dixin. Rêxistina çeteyê ku li bendê bû di 28'ê Tîrmehê dawiya Remezanê bikevin nava bajêr, li pêşberî hêzên YPG'ê windahiyên giran da. Li dijî çeteyan di dawiya meha Tîrmehê de operasyonên dijber hatin destpêkirin û çete ji gelek herêman hatin derxistin. Hînê li gundên derdora Kobanê şer dewam dike. Di 31'ê Tebaxê de di şerê li gundê Cedê de 10 çeteyên DÎ ji aliyê şervanên YPG'ê ve hatin kuştin.
Bombeya mijara gotinê ya qedexekirî beriya niha ji aliyê rejîma Sûriyeyê ve li hemberî komên çekdar hatibû bikaranîn. HRW'ê li gorî axaftinên şahidan û dîmenan ragihand ku rejîmê di nava sala 2012'an de bi bombeyên xarik 249 caran êrîş kiriye.
Sûriyeyê jî mîna DYA, Îsraîl û Tirkiyeyê di sala 2008'an de îmzekirina Peymana Qedexekirina Bombeyên Xarik, red kir. Tirkiyeyê bi taybetî di şerê li hemberî Kurdan de gelek caran bombeyên xarik bikar anî. Ev yek bi giranî di êrîşên li hemberî herêmên gerîla de bikar anî û rê li ber mirin û birîndarbûna gelek kesan vekir.
HRW'ê careke din bang li civaka navneteweyî kir ku li ambargoya çekan deyne ser hikûmeta Sûriye û aliyên vê yekê îstîsmar dikin.
Şefê beşa çekan a HRW Steve Goose got, "Divê bikaranîna her cûreyên bombeyên xarik bên qedexekirin, lê bersiva herî baş ew e ku hemû netewe bibin endamê vê peymana qedexekirina vê çekê û ji bo ji holê rakirina van bombeyan, bikevin nava tevgerê."
Rêxistina Mafên Mirovan (HRW) got, "Pêwîste Konseya Ewlekariyê ya Neteweyên Yekbûyî ambargoya çekan deyne ser hikûmeta Sûriyeyê û komên çekdar ên bi rêk û pêk bi vî awayî mafên mirovan binpê dikin."
PUKmedia-ANHA
hewal ziyatr
-
Talebanî : Bi siyaseta Deste Gul a Mam têkoşînê bidomînin
10:42 PM - 2024-04-26 -
Dahata Silêmanî ya heftane zêdetirî 20 milyar e
11:15 AM - 2024-04-26 -
Şalaw Kosret Resûl: Divê xizmeta herî baş bê pêşkêşkirin
09:56 PM - 2024-04-25 -
Komisyonê berdewambûna amadekariyên bo hilbijartinan piştrast dike
01:41 PM - 2024-04-25
zêdetir tamaşe bike
Divê derbarê êrîşa firokeyên bê firokevan de lêkolînek berfireh bê kirin
10:21 PM - 2024-04-26
Serok Bafil: Xwendevan rihê vê civakê ne
07:57 PM - 2024-04-26
Zêdetirî 107 hezar dengder dê kartên biyometrîk werbigirin
11:10 AM - 2024-04-26
Hewlêr û Bexda di tomarkirina binpêkirinan de di pêş de ye
09:14 PM - 2024-04-24
zortrin xwendraw
-
Zêdetirî 107 hezar dengder dê kartên biyometrîk werbigirin
Kurdistan 11:10 AM - 2024-04-26 -
Dahata Silêmanî ya heftane zêdetirî 20 milyar e
Kurdistan 11:15 AM - 2024-04-26 -
Serok Bafil: Xwendevan rihê vê civakê ne
Kurdistan 07:57 PM - 2024-04-26 -
Divê derbarê êrîşa firokeyên bê firokevan de lêkolînek berfireh bê kirin
Kurdistan 10:21 PM - 2024-04-26 -
Li ser êrîşa firokeyên bê firokevan lêkolînek despê kir
Kurdistan 10:31 PM - 2024-04-26 -
Talebanî : Bi siyaseta Deste Gul a Mam têkoşînê bidomînin
Kurdistan 10:42 PM - 2024-04-26