سەرجەم حاجیانی كوردستان گه‌یشتنه‌ عه‌ره‌بستانی سعودیه‌

PUKMEDIA

حاجیانی هەرێمی کوردستان

وته‌بێژی رەسمیی حه‌ج و عومڕه‌ی كوردستان رایده‌گه‌یه‌نێت: دوا كاروانی حاجیانی كوردستان گه‌یشتنه‌ شاری مه‌ككه‌ی پیرۆز و هه‌مووشیان له‌ كه‌شێكی ئیمانی و به‌ سه‌لامه‌تی له‌ شوێنی خۆیانن، لەئێستادا زیاتر له‌ هه‌زار حاجی كوردستان به‌ سه‌لامه‌تی و به‌ بێ كێشه‌ و گرفت گه‌یشتوونه‌ته‌ شاری مه‌ككه‌ی پیرۆز و ده‌ستیان به‌ ئه‌ركه‌ ئایینه‌كانیان كردووه‌.

كاروان ستونی وته‌بێژی رەسمیی حه‌ج و عومڕه‌ی كوردستان رایگەیاند: له‌ ئێستادا هه‌موو حاجیانی كوردستان كه‌ ژماره‌یان 5هەزار و 120 كه‌سه‌ به‌ سه‌لامه‌تی له‌ شاری مه‌ككه‌ی نێشته‌جێ بوون و رۆژانه‌ خزمه‌تگوزارییه‌كانیان له‌ لایه‌ن حكومه‌تی هه‌رێمی كوردستانه‌وه‌ بۆ دابین ده‌كرێـت.

كاروان ستونی ئاماژەی بەوەشکرد،  ئه‌مساڵ هه‌موو حاجیانی كوردستان به‌ فرۆكه‌ گه‌شتی سعوودیه‌یان کرد و له‌ فرۆكه‌خانه‌ش هه‌موو ئاسانكارییه‌كیان بۆ کرا، هاوکات رۆژانه‌ تیمه‌كانی ته‌ندروستی له‌ناو حاجیاندایە بۆ چاودێریكردنی ته‌ندروستییان و هه‌موو رۆژێكیش سێ ژه‌م خواردنیان به‌ ده‌ستی شێفی كوردستان له‌ 22 بوفیه‌ی كراوه‌ پێشكه‌ش ده‌كرێت.

PUKMEDIA