یەکەم کاروانی حاجیانی هەرێمی کوردستان بەڕێدەکەوێت

میدیاکان

حاجیانی هەرێمی کوردستان

لەسەرەتای مانگی داهاتووەوە، یەکەم کاروانی حاجیانی هەرێمی کوردستان بەرێدەکەون و بەرێوەبەری ئەوقافی سلێمانیش ئاشکرای دەکات، ئەمساڵ زیاتر لە پێنج هەزار حاجی هەرێم لە رێگای وشکانییەوە و لە ماوەیەکی کەمدا گەشت دەکەن.

ئەمڕۆ 21ی4ی2026، لە کۆنگرەیەکی رۆژنامەوانیدا، رێنماییەکانی حەجی ئەمساڵ راگەیەندرا و  مامۆستا عەباس خدر بەڕێوەبەری ئەوقافی سلێمانی، رایگەیاند، هەموو ساڵێک بە رێگای ئاسمانی و بەفڕۆکە گەشتی حەج دەکرا، بەڵام ئەمساڵ، بەهۆی ئەو دۆخە ئەمنییەی ناوچەکەی گرتووەتەوە، بڕیاردراوە لە رێگای وشکانی و بە پاس گەشتەکە ئەنجامبدرێت، کە هەر کاروانەو دووپاسی پێدەدرێت.

پەیوەست بە کاتی بەرێکەوتنی یەکەم کاروانی حاجیانی هەرێمی کوردستان، بەڕێوەبەری ئەوقافی سلێمانی، ئاشکرای کرد، سەرەتا بڕیار بوو، 7ی5ی2026، یەکەم کاروان بە فڕۆکە گەشت بکرێت، بەڵام ئەمە گۆڕدراوە و کراوە بە رێگای وشکانی، هەروەها سەرەتای مانگی بۆ بەڕێکەوتنی حاجیان دیاریکراوە.

 لەبارەی ژمارەی حاجیانیش، مامۆستا عەباس، ئاماژەی بەوەکرد: سەرجەم حاجیانی هەرێمی کوردستان ژمارەیان پێنج هەزار و 120 حاجییە، لەم ژمارەیەش هەزار و 262 حاجیان لە سنووری پارێزگای سلێمانییە، کە704 حاجیان لە رەگەزی نێرن و 558 حاجیشیان لە رەگەزی مێن.

 ئاماژەی بەوەشکرد: لەرێگەی حکومەتی عیراقەوە، بڕی دوو هەزار دۆلار بە نرخی رەسمی و بە 132 هەزار دینار بۆ حاجیان ئاڵوگۆڕدەکرێت.

PUKMEDIA