سکرتاریەتی سەرۆک مام جەلال فەرماندەو تێکۆشەرێکی دێرین بەسەردەکاتەوە

PUKMEDIA

سکرتاریەتی سەرۆک مام جەلال لە سەردانی فەرماندەو تێکۆشەری دێرین عەلی رەشید

رۆژی ١٩ـی١ـی٢٠٢٦ مەکتەبی سکرتارییەتی سەرۆک مام جەلال لە شاری سلێمانی سەردانی فەرماندەو تێکۆشەری دێرینی گەلی کورد و یەکێتی هەڤاڵ (عەلی رەشید سەعید )ـیانکرد .

لەو سەردانەدا، مەکتەبی سکرتارییەت لە نزیکەوە لە بارودۆخی تەندروستی هەڤاڵ عەلی ـیان پرسییەوە و هیوای تەندروستی باشترییان بۆ خواست.
 
 مەکتەبی سکرتارییەتی سەرۆک مام جەلال ستایشی رۆڵ و خەباتی نەپساوەی هەڤاڵ عەلی و بنەماڵەکەیان کرد وەک فەرماندەیەکی دیار و ئازای سەربازی شۆڕشی نوێ کە هەر لە سەرەتاوە بە هێزو ورەیەکی پۆڵاینەوە بووە بەشدارێکی کارا و بەسەنگ لەخەباتی چەکداری شۆڕشی نوێ ؛ بەرامبەر ئەو رابردووش مەکتەبی سکرتارییەتی سەرۆک مام جەلال چەپکە گوڵی رێزو وەفای سەرۆک بافڵ جەلال تاڵەبانی ؛ هەڤاڵ قوباد تاڵەبانی ـیان ئاڕاستەکردوو بەشکۆوە خەبات و تێکۆشانەکانی هەڤاڵ عەلی و بنەماڵەکەیان بەرزنرخاند . 

لای خۆیەوە ؛ هەڤاڵ عەلی رەشید سوپاسی ئەو بەسەرکردنەوەی کرد و جەختی کردەوە بە هەمان گڕوتینی رابردووی و پاڵپشت بە رێبازی سەرۆک مام جەلال لە هەر شوێنێک پێویستیەک هەبێت هەر پێشمەرگەی گەلی کورد و یەکێتی دەبێت .

PUKMEDIA