كۆنگرەی هاوپەیمانیی سۆشیال دیموكرات لە جیهانی عەرەبی لەسلێمانی بەردەوامە

تایبەت

سێیەم رۆژى کۆنگرە

ئەمڕۆ 29ی8ی2025 لە سلێمانی، كۆنگرەی هاوپەیمانیی سۆشیال دیموكرات لە جیهانی عەرەبی بۆ رۆژی سێیەم بەردەوامە و ماوەی چوار رۆژ دەخایەنێت، هاوكات وا بڕیارە د.جوان ئیحسان ئەندامى مەکتەبى سیاسى یەکێتیى نیشتمانیى کوردستان و ئەندامى پێشووى ئەنجومەنى نوێنەرانى عیراق و رێبوار تەها پارێزگارى کەرکوک بەشدارى بکەن.

ناوەڕۆكی كۆنگرەی  هاوپەیمانیی سۆشیال دیموكرات لە جیهانی عەرەبی، بریتییە لە(پرسەكانی ئاشتی، ئاسایش، پرسە هەنووكەییەكانی جیهانیی عەرەبی)، تێیدا ژمارەیەكی زۆر لە كەسایەتی و سەركردە جیهانییەكان، لە جیهانیی عەرەبی و عیراق و كوردستانەوە بەشداریی دەكەن و دوێنێ لە دووەم رۆژى کۆنگرەکەدا سەرۆك بافڵ جەلال تاڵەبانی و د. لەتیف جەمال رەشید وتاریان پێشكەش کرد.

رۆژى چوارشەممە 27ی8ی2025 لە سلێمانی، كۆنگرەی هاوپەیمانیی سۆشیال دیموكرات لە جیهانی عەرەبی دەستپێكرد و رۆژی یەكەمی كۆنگرەكەش پەیوەستبوو بە ژنانەوە و كۆنگرەكە ماوەی چوار رۆژ دەخایەنێت.

PUKMEDIA