ئێران: گۆڕانکاری لە هاتووچۆی هورمز ڕووی نەداوەو لەگەڵ عەمان پێشکەوتن هەیە

PUKMEDIA

گەرووی هورمز

ئێران رایگەیاند: هیچ گۆڕانکارییەک لە هاتووچۆی دەریایی لە گەرووی هورمز ڕووی نەداوە و لەگەڵ عەمانیش پێشکەوتن لە گفتوگۆکاندا بەدیهاتووە.

ئیسماعیل بەقایی وتەبێژی وەزارەتی دەرەوەی ئێران، لە لێدوانێکدا چەند تەوەرێکی گرنگی پەیوەست بە دۆخی ناوچەکە و پەیوەندییە دیپلۆماسییەکانی وڵاتەکەی خستەڕوو، رایگەیاند: تا ئێستا هیچ گۆڕانکارییەک لە دۆخی هاتووچۆی دەریایی لە گەرووی هورمز ڕووی نەداوە و دۆخەکە بە شێوەی ئاسایی بەڕێوەدەچێت.

لە لایەکی ترەوە، ناوبراو باسی لە پەیوەندییە دپلۆماسییەکانی وڵاتەکەی کرد و ئاشکرای کرد کە لە ڕۆژانی هەینی و شەممەدا، چەند خولێکی گفتوگۆ لەنێوان ئێران و شانشینی عەماندا لە ئاستی جێگری وەزیری دەرەوە ئەنجام دراون.

وتەبێژی وەزارەتی دەرەوەی ئێران جەختی لەوەش کردەوە که پێشکەوتنێکی باش لە گفتوگۆکانیان لەگەڵ وەفدی عەماندا بەدیهاتووە.

PUKMEDIA