مووچەی سەرۆكایەتییەكان و 10 وەزارەت و دەزگا دابەش دەكرێت

PUKMEDIA

دیناری عیراقی

ئەمڕۆ یەك شەممە، سێ سەرۆكایەتییەكە و 10 وەزارەت و دەزگا مووچەی مانگی نیسان وەردەگرن و هەر ئەمڕۆش كۆتایی بە دابەشكردنی مووچە دێت. 

بەپێی ئەو خشتەیەی وەزارەتی دارایی هەرێم بۆ دابەشكردنی مووچە بڵاویكردووەتەوە، ئەمڕۆ  18-5-2025، هەریەك لە وەزارەتی رۆشنبیری و لاوان، كار و كاروباری كۆمەڵایەتی، كارەبا، ئەوقاف و كار و باری ئاینی، خوێندنی باڵا و توێژینەوەی زانستی، سەرۆكایەتی پەرلەمان، سەرۆكایەتی ئەنجومەنی وەزیران، سەرۆكایەتی هەرێم، پێشمەرگە (دیوان، لیواكان)، یەكەی 70 و 80، ب. پۆلیسی دام و دەزگا نەوتییەكان، ئەنجومەنی ئاسایش و دەزگای ئاسایش، هێزی زێرەڤانی و فەرماندەی بەرگری فریاكەوتن، مووچە وەردەگرن.

ئەمەش لەكاتێكدایە رۆژی 13ی5ی2025، وەزارەتی دارایی حكومەتی هەرێم لیستی مووچەی مانگی نیسانی فەرمانبەران و مووچەخۆرانی هەرێمی بڵاوكردەوە، بەپێی خشتەكە رۆژی 14-5-2025، دەست بەدابەشكردنی مووچەی مانگی نیسان كرا و ئەمڕۆش كۆتایی بەدابەشكردنەكەی دێت". 
 
هاوكات هەر رۆژی 13ی5ی2025 دارایی عیراق بۆ مووچەی مانگی نیسانی مووچەخۆرانی هەرێم، بڕی (959,514,000,000) نۆ سەد و پەنجا و نۆ ملیار و پێنج سەد و چواردە ملیۆن دیناری وەك شایستەی مووچەی فەرمانبەران و مووچەخۆرانی هەرێمی كوردستان خستە سەر هەژماری بانكی وەزارەتی دارایی و ئابووری هەرێمی كوردستان لەلقی هەولێری بانكی ناوەندی عیراق.

PUKMEDIA

خشتەی دابەشكردنی مووچەی مانگی نیسان ...