riklam

قۆڵبەستکردنی (مەدینە سەعبە) لە ١٩٦٣دا

بیروڕا 06:11 PM - 2024-06-09
ستران عەبدوڵڵا PUKMEDIA

ستران عەبدوڵڵا

ستران عەبدوڵا بیروڕا

ستران عەبدوڵڵا

 
نۆی حوزەیرانی ١٩٦٣ بوو، کوردایەتی لەمە زیاتر ناکرێ کە لە سلێمانی کرا ، لەمە زیاتر نابێ کە گەنجەکانی سلێمانیی کردیان،
کوردایەتی لە ئەوجی داکۆکی و خاوەندارێتی خۆیدا بوو، هێزی هەبوو ، خەڵکی هەبوو، (سلێمانی) هەبوو. ئێ سلێمانیش کوردی شەرمەزار نەکرد و خۆشی بەسەر بڵندی هێشتەوە.

 

دیمەنەکە بە خەیاڵی مێژوو بێننە بەرچاوی خۆتان..، بۆگەنێکی گەورەی ناسیونالیستی هێرشبەری دەسترێژیکەری نەتەوەی سەردەست ناوچەکەی گرتۆتەوە، پەتایەکی ئیقلیمگیرە، لە پایتەختی عەسکەر لە بەغدا بەعس و حەرەس قەومییەکەی قوڵپی تاوانی دەدا، لە دیمەشقی پایتەختی جوانی و فەرهەنگ بەعسی ئەمەوی هاتە سەرخەت و هەموو شتێکی تەسلیمی (مەکتەبی سانی) کردبوو ، لە تورکیا ئەفسەرانی خوردەبورژوا کودەتایان لە دژی نەختە دیموکراسییەکەی مەندریس بەرپابوو، لە تاران شا و شابانۆ و پان ئێرانستی فشەکەر هەناسەی لە هەموو کورد بڕیبوو، لەم زەمان و لەم مەکانە نا جۆرەدا (سلێمانیی) وتی نا بۆ کورد قڕان و نا بۆ زەعیم سدیق و نا بۆ بەعسی شۆڤێنی . نرخی ئەم نارەزاییەی بە خوێن و بە پشتوێن و بە زیندە بەچاڵکردن دا. سلێمانی کە بە شێنیی ئەهلی نوکتە و جنێوی مزرن ، پێیان عەیب بوو لە ژێر گوشاری سوپای عێراق جنێۆ بە شاخەکان بدەن.

 

سلێمانی وای هێناوە و تا ئێستاش باشی هێناوە، گوشار دەخاتە سەر گوشار، (حامیە) فەسڵێکە لە دەیان فەسڵ، پێش ئەو دەورە راپەڕینی ( بەردەرکی سەرا ) هەیە و دوای ئەو فەسڵەش قینی سەددام و بەعسی دووەم لە (مەدینە سەعبە) و ئەمنە سورەکە قسەیان هەیە. دوای راپەڕینیش بە شێوەی جیا گەمارۆ و جیاکاری هەس. بەس سلێمانیی هەر قەدەری کوردە و قەدەری کوردیش حەزی لێیە مۆدێلی سلێمانی گشتگیر بێت و هەموو مەملەکەت بتەنێتەوە. حەزی لێیە مۆدێلەکە پایەدار بێت لە ژیان دۆستی و لە خەبات ویستی. لە (هەڵپەڕکێ )ی بەهاری و لە (هەڵمەت)ی زستانی و دژواریدا.

 

سلێمانییە کە گەمارۆ دەرەقەتی نایە، فەقەت لابردنی گەمارۆ دەرفەتی تیایە.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket