riklam

چلەی ماتەمینی تێکۆشەری دێرین عەلی شامار بەڕێوەدەچێت

کوردستان 03:53 PM - 2024-06-02
 چلەی عەلی شامار فەرماندە و تێکۆشەری دێرینی یەکێتیی نیشتمانیی کوردستان PUKMEDIA

چلەی عەلی شامار فەرماندە و تێکۆشەری دێرینی یەکێتیی نیشتمانیی کوردستان

پێشمەرگە

ئەمڕۆ ٢-٦-٢٠٢٤ چلەی ماتەمینی فەرماندە و تێکۆشەری دێرینی یەکێتیی نیشتمانیی کوردستان (عەلی شامار) لەهۆڵی رۆشنبیری شاری سلێمانی بەڕێوەچوو، کە لەلایەن مەکتەبی راگەیاندن و هۆشیاری یەکێتیی نیشتمانیی کوردستانەوە بەئامادەبوونی ژمارەیەک لەئەندامانی ئەنجومەنی سەرکردایەتی یەکێتی و ژمارەیەک لە کەسایەتی حزبی و حکومی و کەسوکار و هاوڕێ و هاوسەنگەرەکانی سازکرابوو.

سەرەتای مەراسیمەکە بە خوێندنەوەی چەند ئایەتێک لەقورئانی پیرۆز و ساتێک وەستان بۆ گیانی پاکی شەهیدان دەستیپێکرد، دوای نمایشكردنی ژیاننامەی فەرماندەو تێکۆشەری دێرین (عەلی شامار)، لەتیف نێروەیی لێپرسراوی بۆردی راگەیاندنی یەکێتیی نیشتمانیی کوردستان وتارێکی پێشکەشکرد و رایگەیاند:" سوپاسی ئامادەبوونتان دەکەین لەم مەراسیمە پڕ شكۆیەدا و ئەم بەشدارییە فراوانەتان لەم یادەدا و هاتنتان لەسەرجەم شاروشارۆچکەکانەوە نیشانەی خەباتگێڕی و گەورەیی تێکۆشەری دێرین عەلی شامارە".

" بەداخەوە تا ئێستا نەتوانراوە مێژووی یەکێتی وەک خۆی بنوسریتەوە، هەر بۆیە ئەمەی ئێستا باسدەکرێت سەبارەت بەخەبات و تێکۆشانی فەرماندە عەلی شامار هێشتا بەشێکی کەمە لە پاڵەوانێتی ئەم قارەمانە، عەلی شاماری نەمر بە پاڵەوانێتی دەستیپێکرد و بە پاڵەوانێتیش کۆتایی پێهێنا، وەک دەشڵێن لەپشت هەر کەسایەتییەکی مەزن ژنێکی مەزن هەیە، لەپشت فەرماندەی ناوبراویش خاتوو وەسفییە هەبوو کە زۆر پشتگیری لێدەکرد بەپێچەوانەشەوە، هاوکات سەرۆک مام جەلال هۆکارێکی تری مەزنی فەرماندە عەلی شامار و وەسفییە بەنی وەیس بوو کە متمانەیەکی زۆری پێدابوون و پشتگیریان بوو "، لەتیف نێروەیی وایوت

هەر لەمەراسیمەکەدا کورتە فیلمێک سەبارەت بەرۆژانی خەبات و تێکۆشانی فەرماندەو تێکۆشەری دێرینی یەکێتیی نیشتمانیی کوردستان (عەلی شامار) پەخشکرا و دواتر وتاری بنەماڵە لەلایەن رێبوار عەلی شاماری کوڕی کۆچکردووە وە خوێندرایەوە و رایگەیاند:" سوپاسی مەکتەبی راگەیاندن و هۆشیاری دەکەین بۆ رێکخستنی ئەم مەراسیمە و داوای لێبوردن لە خەڵکی خانەقین دەکەین کە نەمانتوانی بەڵێنەکەمان ببەینە سەر و چلەی باوکم لەوێ سازبکەین، بەهۆی باری ئەمنی و کۆمەڵێک هۆکاری دیکەوە".

رۆژی ٢٢-٤-٢٠٢٤ فەرماندە و پێشمەرگەی دێرینی یەکێتیی نیشتمانیی کوردستان عەلی شامار کۆچیدوایی کرد و لە مەراسیمێکدا لە گردی سەلیم بەگ لە سلێمانی بەخاک سپێردرا.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket