riklam

سەرۆککۆمار پێشوازی لە سەرۆکی فەڵەستین دەکات

عیراق 11:35 PM - 2024-05-15
سەرۆککۆمار و سەرۆکی فەلەستین نوسینگەی رۆژنامەوانی سەرۆککۆمار

سەرۆککۆمار و سەرۆکی فەلەستین

سەرۆککۆمار

د.لەتیف جەمال رەشید سەرۆککۆماری عیراق، ئەمڕۆ چوارشەممە 2024/5/15 لە شوێنی نیشتەجێبوونی خۆی لە مەنامەی پایتەختی بەحرەین پێشوازی کرد لە مەحمود عەباس سەرۆکی دەوڵەتی فەلەستین و وەفدی هاوڕێی لە پەراوێزی سی و سێیەمین کۆنفرانسی لوتکەی عەرەبی لە دانیشتنی ئاسایی خۆیدا کە لە بەحرەین بەڕێوەدەچێت .

 

لەو دیدارەدا بارودۆخی ئێستای ناوچەکانی فەلەستین و دەستدرێژی بەربەریانە دژی گەلی فەلەستین و کارەساتی مرۆیی لە دەرئەنجامی ئەو هێرشانە تاوتوێ کرا، هاوکات سەرۆک کۆمار هەڵوێستی پتەوی عێراقی بەرامبەر بە پرسی فەلەستین دووپات کردەوە و جەختی لەسەر پێویستی ڕاگرتنی شەڕ و دەستبەجێ دەستڕاگەیشتن بە یارمەتییە مرۆییەکان بۆ خەڵکی کەرتی غەززە کردەوەو ئاماژەی بەوەشدا:" کە دۆخی فەلەستین کاردانەوەی لەسەر تەواوی ناوچەکە هەبووە، جەختی کردەوە لە گرنگی بەهێزکردنی چالاکیی هاوبەش و پشتیوانی لە خەباتی گەلی فەلەستین بۆ بەدەستهێنانی تەواوی مافەکانیان".

هەردوو سەرۆک جەختیان لەوە کردەوە کە پرسی فەلەستین ئەمڕۆ لە گۆڕەپانێکدایە، کە پێویستە کۆمەڵگەی نێودەوڵەتی و هێزە چالاکەکان بەرزترین ئاستی بەرپرسیارێتی مێژوویی، سیاسی و مرۆیی لە ئەستۆ بگرن بۆ کارکردن بۆ دۆزینەوەی چارەسەری هەمەلایەنە و دادپەروەرانە.

 

لای خۆشیەوە مەحمود عەباس سەرۆکی فەلەستین پێزانینی حکومەت و گەلی فەلەستینی بۆ هەڵوێستە مێژووییەکانی عێراق بۆ پشتیوانی لە دۆزی فەلەستین دەربڕی و ستایشی هەوڵەکانی عێراق و هاوکارییە هەمیشەییەکانی بۆ برا فەلەستینییەکان کرد.

 

PUKMEDIA

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket